କୁତଃ କୃତଘ୍ନସ୍ଯ ଯଶଃ କୁତଃ ସ୍ଥାନଂ କୁତଃ ସୁଖମ୍ | ଅଶ୍ରଦ୍ଧେୟଃ କୃତଘ୍ନୋ ହି କୃତଘ୍ନେ ନାସ୍ତି ନିଷ୍କୃତିଃ ||
ମହାଭାରତର ଉଦ୍ଯୋଗପର୍ଵ ଅନ୍ତର୍ଗତ ଭଗଵଧ୍ଯାନପର୍ଵର ଗାଲଵ ଚରିତରୁ ଏହି ଶ୍ଲୋକଟି ଉଦ୍ଧାର କରାଯାଇଛି ।
ଶ୍ଲୋକର ସଂକ୍ଷିପ୍ତ ଭାଵାର୍ଥ―
"କୃତଘ୍ନ ମନୁଷ୍ଯକୁ ଯଶ କାହିଁ ? ସ୍ଥାନ ଵା ପ୍ରତିଷ୍ଠା କାହିଁ ? ଘୃତଘ୍ନ ମନୁଷ୍ଯ ଅଵିଶ୍ବାସନୀୟ ହୋଇଥାଏ,ତାହାର କେଵେ ଉଦ୍ଧାର ହୋଇନପାରେ !!"
ଋଷି ବିଶ୍ବାମିତ୍ରଙ୍କ କଷ୍ଟସାଧ୍ଯ ଦକ୍ଷିଣା ପୂର୍ଣ୍ଣ ସକାଶେ ଚିନ୍ତିତ ଥିଲାଵେଳେ ତାଙ୍କ ନିକଟକୁ ପକ୍ଷୀରାଜ ଗରୁଡ଼ ଆସିଛନ୍ତି ! ପ୍ରୋକ୍ତ ଶ୍ଲୋକ ତଥା ଏଇଭଳି ଆଉ କେତୋଟି ଶ୍ଲୋକରେ ଗାଲଵ ନିଜକୁ ନିଜେ କହି ଵିଚାରୁଥିଵା ସମୟରେ ଗରୁଡ଼ ଆସି ତାଙ୍କୁ ଆଶ୍ବାସନା ଦେଉଛନ୍ତି !
ପରଵର୍ତ୍ତୀ ଅଧ୍ଯାୟଗୁଡ଼ିକରେ ଗରୁଡ଼ ଚାରିଦିଗର ଵର୍ଣ୍ଣନା ଗାଲବଙ୍କ ଆଗରେ କରିଛନ୍ତି ! ପରେ ଉଭୟ ତପସ୍ବିନୀ ଶାଣ୍ଡିଳୀଙ୍କୁ ଭେଟି ଗାଲଵଙ୍କ ଗୁରୁଦକ୍ଷିଣା ଵିଷୟରେ ଵିଚାର ବିମର୍ଷ କରିଛନ୍ତି !
ତାପରେ ଉଭୟ ଯଯାତିଙ୍କ ପାଖକୁ ଯାଇ ଗୁରୁଙ୍କ ଦକ୍ଷିଣା ଭାଵରେ ଶ୍ଯାମକର୍ଣ୍ଣ ଅଶ୍ବ ଯାଚନା କଲେ ! ଯଯାତି ଗାଲଵଙ୍କୁ ଧରି ଅଯୋଧ୍ଯା ନରେଶଙ୍କ ପାଖକୁ ଗଲେ ଏବଂ ହର୍ଯ୍ଯଶ୍ବଙ୍କ ଠାରୁ ଗାଲଵଙ୍କୁ ଦୁଇ ଶତ ଶ୍ଯାମକର୍ଣ୍ଣ ଅଶ୍ବ ପ୍ରାପ୍ତ ହେଲା ।
No comments:
Post a Comment