ତାହା ନିମ୍ନରେ ପ୍ରଦତ୍ତ ହେଲା ...
ଆଜି ସାଗରେ ଭୂଧରେ ପ୍ରାନ୍ତରେ
ଅମ୍ବରେ ଶୁଭୁ ଉତ୍କଳର ଜୟଗୀତି ।୦।
ଯାଇଛି ଅତୀତ ହଜିନାହିଁ ଵୀଣା
ଦବି ନାହିଁ ତାନ ହେଲେହେଁ ପ୍ରାଚୀନା,
ନଵ ଜାଗରଣେ ନଵ ଗୁଞ୍ଜରଣେ
ଉଠ ସେ ତନ୍ତୁରେ ନଵ ସ୍ଫୀତି ।୧।
ଡାକି ହିମାଚଳ କହୁ ସୀମାଚଳେ
କି ସଙ୍ଗୀତ ସ୍ଫୁରେ ଚିଲିକା କଲ୍ଲୋଳେ,
ମୋ ହିମ ଗଳଇ ତୋ ସୀମା ଟଳଇ ଦେଖି ଉତ୍କଳର ପୁଣ୍ୟପ୍ରୀତି ।୨।
ଶିଶୁ ଦେଉ ତାର ଉଷାରୁଣ ଵିଭା
ଦେଉ ଯୁଵାଜନ ମଧ୍ୟାନ୍ନ-ପ୍ରତିଭା,
ଜ୍ଞାନରଶ୍ମୀ ଶେଷ ଦେଉ ପକ୍ଵ-କେଶ ଭାଙ୍ଗୁ ସାଧନାର ଭ୍ରାନ୍ତ ରୀତି ।୩।
ଶରତ ସଜାଉ ଚାରୁ ପକ୍ଵଶାଳୀ
ଵସନ୍ତ ବଜାଉ ଦୋଳ ଘଣ୍ଟାଵଳି
ଶୁଭାଶିଷ ଘେନି ରଵି ଶଶି ବେନି
ଉଠନ୍ତୁ ବୁଡ଼ନ୍ତୁ ନିତି ନିତି ।୪।
ଅଛି ହୀରାଖଣ୍ଡ ଅଛି ସ୍ବର୍ଣ୍ଣରେଖା
ମନ୍ଦିରେ ମନ୍ଦିରେ ଇତିହାସ ଲେଖା
କୈଵଲ୍ୟ ଵିଧାନେ ଏବେ ହେଁ ଶ୍ରୀଧାମେ ଅଛି ପ୍ରଚାରିତ ସାମ୍ୟନୀତି ।୫।
