ଗଣେଶ ଚତୁର୍ଥୀ ଠାରୁ ଫେସବୁକରେ ଗୋଟାଏ
ଵିଷୟକୁ ନେଇ ବହୁତ ଚର୍ଚ୍ଚା ହେଉଛି
ଲୋକଙ୍କ ମନରେ ବଡ଼ ଶଙ୍କା
ଗଣପତିଙ୍କର ନିମ୍ନଲିଖିତ ନାମ ମଧ୍ୟରେ କେଉଁଟି
ଠିକ୍ .....
→ଗଣେଶ
→ଗଣେସ
→ଗଣେଷ
ଓଡ଼ିଆ ଭାଷାର ଵର୍ଣ୍ଣହତ୍ୟାକାରୀ ଦଳର ଲୋକେ ଏଭଳି ଚର୍ଚ୍ଚାକୁ ଆହୁରି ଵାଇରଲ୍ କରିଛନ୍ତି ଓ କରୁଛନ୍ତି.....
କିନ୍ତୁ
ସତ କହିବାକୁ ଗଲେ
ପ୍ରାୟ ସମସ୍ତ ଶବ୍ଦକୋଷରେ
ଷଷ୍ଠୀ ତତ୍ ପୁରୁଷ ସମାସ ଅନୁସାରେ
ଗଣ+ଈଶ=ଗଣେଶ
ହୋଇଥିବା ଉଲ୍ଲେଖ ରହିଛି
କିନ୍ତୁ ଏହି
ଉତ୍ତର ଶୁଣିଲାପରେ ଵର୍ଣ୍ଣହତ୍ୟାକାରୀ ଦଳର
ଲୋକେ ଅଵାନ୍ତର ଯୁକ୍ତି ଆରମ୍ଭ କରିଦେଉଛନ୍ତି
→ଗଣ ଶବ୍ଦରେ ଈଶ ହିଁ କାହିଁକି ଲାଗିପାରିବ ?
ଯେହେତୁ ଆମ ଭାଷାରେ ତଥାକଥିତ ତିନୋଟି “ଶଷସ” ଵର୍ଣ୍ଣ ହୋଇଯାଇଛି
ତେବେ
→ଗଣ ଶବ୍ଦ ସହ
-ଇସ
-ଈସ୍
-ଇଷ
-ଈଷ
-ଇଶ
-ଇଶ୍
ଆଦି ଶବ୍ଦ ଯୋଡାଯାଇ ଗଣେଷ କି ଗଣେସ
ଶବ୍ଦ ନିଷ୍ପନ୍ନ ହୋଇପାରିବ ନାହିଁ କି ?
(ଏଭଳି ପ୍ରଶ୍ନ କରିବା ପଛରେ ତାଙ୍କର ହେତୁ
ଲୋକଙ୍କ ମନରେ ଗୋଟାଏ ମାତ୍ର “ସ” ଵ୍ୟଵହାର ପାଇଁ ନିଷ୍ଠା ଉତ୍ପନ୍ନ କରାଇବା 😀)
ତେବେ ସେ ଯାହା ହେଉ
ଆମେ କିନ୍ତୁ
ଉପରୋକ୍ତ ସମସ୍ତ ଇସ,ଈସ୍,ଇଷ,ଈଷ,ଇଶ,ଇଶ୍
ଓ ଈଶ ଆଦି ଶବ୍ଦ ଗୁଡିକ ର ଅର୍ଥ ତର୍ଜମା କରି ଦେଖିବା ଯେ ପ୍ରକୃତରେ ତନ୍ମଧ୍ୟରୁ କେଉଁଟି
ଗଣେଶ ଶବ୍ଦ ମଧ୍ୟରେ ଲୁକ୍କାୟିତ ରହିଛି ....
ଇଶ୍→
ପୂର୍ଣ୍ଣଚନ୍ଦ୍ର ଭାଷାକୋଷରେ
ଏକ କ୍ରିୟାଶବ୍ଦ “ଇଶ୍ ଇଶ୍ କରିବା” ର ଅର୍ଥ ଘୃଣାକରିବା,ଦେହ ଅସୁସ୍ଥ ଜନିତ କଷ୍ଟବୋଧ ପ୍ରକାଶକ ଧ୍ଵନି,ସିଟି ମାରିବା ଇତ୍ୟାଦି
ଇଶ→
ଇଶ ବୋଲି ଏକ ପ୍ରାଦେଶିକ ଶବ୍ଦର ଭାଷାକୋଷରେ ଉଲ୍ଲେଖ ରହିଛି ଯାହାର
ଅର୍ଥ ―ପରିହାସ, ଇଙ୍ଗିତ ଓ ଥଟ୍ଟା ଅଟେ ।
ଈଶ୍→
ଈଶ୍ଵର
ଈଶ୍ ଧାତୁ→
ଆଧିପତ୍ୟ କରିବା
ଈଶ→
“ଈଶ”[ଈଶ୍ ଧାତୁ(ଆଧିପତ୍ୟ କରିବା)] ଵିଶେଷ୍ୟ ଶବ୍ଦର ଅର୍ଥ―
ପତି;ସ୍ଵାମୀ,ପ୍ରଭୁ,ଈଶ୍ଵର,ଶିବ,ରାଜା,ନିୟନ୍ତା,ରକ୍ଷକ
“ଈଶ” ଶବ୍ଦ ର ଵିଶେଷଣ ଅର୍ଥ―
ଶ୍ରେଷ୍ଠ,ସମର୍ଥ
ଇଷ୍ ଧାତୁ→ଗମନ କରିବା, ବାଞ୍ଛା କରିବା, ଇଛା କରିବା
ଇଷ→
୧.ଆଶ୍ଵିନ ମାସ(ଇଷ୍ ଧାତୁ(ଗମନାର୍ଥେ)କର୍ତ୍ତୁ.ଅ)
ଏ ସମୟରେ ଜିଗୀଷୁମାନେ ଯୁଦ୍ଧ ଵିରୋଧ ରେ ଯୁଦ୍ଧଯାତ୍ରା କରୁଥିଲେ ତେଣୁ......
୨.ଲଙ୍ଗଳ କୁ ଜୁଆଳି ସଙ୍ଗେ ଲଗାଇବାର ଲମ୍ଵ କାଠ
ଈଷ୍ ଧାତୁ→
ଆଘାତ କରିବା, ଗତି କରିବା, ଯିବା
ଈଷ→ପୂର୍ଣ୍ଣଚନ୍ଦ୍ର ଭାଷାକୋଷରେ ଈଷ ବୋଲି କୌଣସି ସ୍ଵତନ୍ତ୍ର ଶବ୍ଦର ଉଲ୍ଲେଖ ନାହିଁ(ପୃଷ୍ଠା ୮୮୮ ଦେଖ)
କିନ୍ତୁ କଳ୍ପଦ୍ରୁମ ଓ ହିନ୍ଦୀ ଶବ୍ଦ ସାଗରରେ
ଏହି ଶବ୍ଦର ତିନି ଗୋଟିଏ ଅର୍ଥର ଉଲ୍ଲେଖ ରହିଛି
ଆଶ୍ଵିନ ମାସ,ମନୁଙ୍କର ଦଶପୁତ୍ରଙ୍କ ମଧ୍ୟରେ ଜଣେ,ଶିବଙ୍କର ଏକ ଗଣର ନାମ
ଇସ୍→
୧.କଷ୍ଟ,ଘୃଣା ଓ କ୍ଳାନ୍ତି ସୂଚକ ଅଵ୍ୟୟ
୨.ରୋଗ ଵା ପରିଶ୍ରମ ଜନିତ କ୍ଲେଶ ସୂଚକ ଧ୍ଵନି
୩.ଵିଦୃପ ଵା ଵ୍ୟଙ୍ଗ ସୂଚକ ଧ୍ଵନି
ଇସ→
ଭାଷାକୋଷରେ ଇସ ବୋଲି କୌଣସି ସ୍ଵତନ୍ତ୍ର ଶବ୍ଦର ଉଲ୍ଲେଖ ନାହିଁ(ପୃଷ୍ଠା ୮୮୨ ଦେଖ)
ଈସ→ଭାଷାକୋଷ କିମ୍ବା କଳ୍ପଦ୍ରୁମ ଆଦି ଶବ୍ଦକୋଷରେ ଈସ ବୋଲି କୌଣସି ସ୍ଵତନ୍ତ୍ର ଶବ୍ଦର ଉଲ୍ଲେଖ ନାହିଁ
ଉପରୋକ୍ତ ସମସ୍ତ ଇସ,ଈସ୍,ଇଷ,ଈଷ,ଇଶ,ଇଶ୍
ଓ ଈଶ ଆଦିର ଅର୍ଥ ଗୁଡି଼କୁ ଅନୁଧ୍ୟାନ କରି ଦେଖିଲାପରେ
ଆମକୁ ତନ୍ମଧ୍ୟରୁ କେଵଳ ଗୋଟିଏ “ଈଶ”
ହିଁ “ଗଣ” ଶବ୍ଦ ସହିତ ଜଡି଼ତ ରହିଥିବାର ଵିଶ୍ଵାସ ହେଉଅଛି ।
No comments:
Post a Comment