ଆମର ଜଣେ ସଙ୍କରା(Hybrid) ଭାଇ
‛ଅଭିଜିତ ଅୟର ମିତ୍ର’ ଲେଖିଲେ
ବଙ୍ଗଳା ଭାଷାର “ଉରି ଶାଲା(ଏ ଶଳା)”
ସମ୍ବୋଧନରୁ ‛ଓରିଆ’ ଓ ‛ଓରିଶ୍ହା’ ଆଦି ଶବ୍ଦ ସୃଷ୍ଟି ହୋଇଛି 😀😀😀
ଆମ ଜାଣିବାରେ ଓଡ଼ିଆ ଏବଂ ଓଡ଼ିଶା
ଶବ୍ଦ ଦ୍ଵୟ ସଂସ୍କୃତ “ଉଡ୍ର/ଓଡ୍ର” ଶବ୍ଦରୁ ଆସିଅଛି ।
ପୂର୍ଣ୍ଣଚନ୍ଦ୍ର ଭାଷାକୋଷରେ ଓଡ୍ର/ଉଡ୍ର ଶବ୍ଦର ନିରୁକ୍ତି ଵ୍ୟାଖ୍ୟା ଅଛି―
➡ଆ=ସମ୍ୟକ+ଉଡ୍ ଧାତୁ(ଆଲିଙ୍ଗନ, ସ୍ତୁତି କରିବା)+ସଂଜ୍ଞାର୍ଥ.ର
ଅର୍ଥାତ୍
“ଯେ ଭାତୃତୁଲ୍ୟ ଅନ୍ୟଜାତୀୟ ଲୋକଙ୍କୁ
ଆଲିଙ୍ଗନ କରନ୍ତି ସେମାନଙ୍କର ମହିମାଗାନ ପୂର୍ଵକ ଉତ୍ସାହିତ କରିନ୍ତି ସେ ଜାତୀୟ ଲୋକ ଉଡ୍ର ଭାବେ ଖ୍ୟାତ ଅଟନ୍ତି ।”
ଓଡ଼ିଆଲୋକେ ଗତ ତିନିଶହ ବର୍ଷ ହେବ ଏ ଦେଶରେ କେତେଯେ ଅପମାନ ସହି ସହି ବଞ୍ଚି ରହିଛନ୍ତି ତା’ କଳନା ବାହାରେ ....
ଦେଶ ଭାଗବଣ୍ଟା ହୋଇ ପଡୋ଼ଶୀ ନେବା ଠାରୁ
ଭାଷାମାରଣ ଓ ନାନାଦି ରାଜନୈତିକ ଷଡଯନ୍ତ୍ରର ଶିକାର ହୋଇ ସୁଦ୍ଧା ଏ କଳିଙ୍ଗଦେଶର ମୋ ଭାଇ ଓ ଭଉଣୀମାନଙ୍କର ଭାରତ-ଭାରତୀପ୍ରୀତି ତଥାପି କାଣିଚାଏ ମଧ୍ଯ ଅଳପ ହୋଇନାହିଁ ।
➡ସେହିପରି
ମୂଳ ଦ୍ରାଵିଡ଼ ପ୍ରାକୃତର ଓଡ଼ ଧାତୁ ର ଅର୍ଥ
ଚାଷ କରିବା....
ଦ୍ରାଵିଡ଼ଭାଷା ପରିଵାରର ସର୍ଵପୁରାତନ ଭାଷା
ହେଉଛି ଏକଦା କଳିଙ୍ଗଭାଷା ନାମରେ
ପୁରାଣପ୍ରସିଦ୍ଧ ଥିବା କୁଇ(କୁଭି)ଭାଷା । ଏ ଭାଷାରେ କୋରାପୁଟ ଅଞ୍ଚଳର କନ୍ଧଜାତୀୟ ଲୋକେ ତଥା ସ୍ଥାନୀୟ ଓଡ଼ିଆମାନେ କଥୋପକଥନ କରିଥାନ୍ତି । ଏହି କୁଇଭାଷାର ଜୋମଳ ଶବ୍ଦରୁ ଚାଉଳ
ତଥା ଜୋମ(ଖାଇବା) ଶବ୍ଦରୁ ଦେଶଜ ଜମବା ଶବ୍ଦ ସୃଷ୍ଟି ହୋଇଛି । ପରଵର୍ତ୍ତୀକାଳରେ ଜୋମ ଶବ୍ଦ ସହ ସଂସ୍କୃତ ଜମ୍ ଧାତୁର ସାମ୍ୟତା ଦେଖି
ଏ ସଂ ଧାତୁର ଅନ୍ୟ ଏକ ଅର୍ଥ ଖାଇବା ହୋଇଥିବା ଅନୁମାନ କରାଯାଏ ।
ଓଡ଼ିଆ ଚାଉଳ ଓ ହିନ୍ଦୀ ଚାଵଲ ର ମୂଳ କୁହେଇଲା ଭଳିଆ ସେଭଳି କୌଣସି ସଂସ୍କୃତ ଶବ୍ଦ ନାହିଁ ତେଣୁ କେତେକ ଭାଷାଵିଦ ମତ ଦିଅନ୍ତି
ଯେହେତୁ
‛ଅ’,‛ଉ’ ଏବଂ ‛ଓ’ ଆଦି ସ୍ଵରଵର୍ଣ୍ଣ ଗୁଡି଼କ ଵ୍ୟାକରଣ ର ପରିବୃତ୍ତିଗତ ନିୟମ ଅନୁଯାୟୀ ଅଵର୍ଗ୍ୟ ‛ଵ’ ରେ ପରିଣତ ହୋଇଥାଏ ତେଣୁ ବୋଧହୁଏ ଶାସ୍ତ୍ରୀୟ ଓଡ଼ିଆ ଭାଷାର ଚାଉଳ ଶବ୍ଦ ରୁ ହିନ୍ଦୀ ଚାଵଲ ଶବ୍ଦର ସୃଷ୍ଟି ହୋଇଅଛି ।
ଅଵିଭକ୍ତ କୋରାପୁଟ-ଜୟପୁର ଅଞ୍ଚଳରେ ସବୁଠାରୁ ଅଧିକ(ପ୍ରାୟ 5000) ପ୍ରକାରର ନୀଵାର ଵା ବାଳୁଙ୍ଗା ଧାନ ପ୍ରାପ୍ତ ହୋଇଛି ଏବଂ ଏଭଳି ଵିଵିଧତା ଦକ୍ଷିଣ ଭାରତ ତଥା ଚୀନରେ ସୁଦ୍ଧା ଦୃଷ୍ଟିଗୋଚର ହୁଏନାହିଁ ।
ସମୟ ସହିତ ସେହି ମୂଳ ଦ୍ରାଵିଡୀୟ ଓଡ଼ ଧାତୁ ରୁ ଚାଷୀ ଅର୍ଥରେ ଉଡ୍ର,ଓର ଏବଂ ଓଡ଼ ଆଦି ଶବ୍ଦ ସୃଷ୍ଟି ହୋଇଛି । ଏ ଚଷାଜାତି କୃଷି କ୍ଷେତ୍ରରେ ଚାଷ କରୁ କରି ନିଜ ମାଟିମାଆକୁ ବଞ୍ଚେଇବା ଲାଗି ଆଵଶ୍ୟକ ପଡି଼ଲେ ଅସ୍ତ୍ର ଧରି ଲଢିବାକୁ ସୁଦ୍ଧା ପଛେଇ ନାହିଁ ।
ମୂଳ ଦ୍ରାଵିଡୀୟ ଓଡ଼ ଧାତୁରୁ ପୁଣି ଆଉ ଏକ ଦିଗରୁ ଓରିଆ ଶବ୍ଦ ସୃଷ୍ଟି ହୋଇଛି ।
ଗଡ଼ଜାତ ଅଞ୍ଚଳରେ ରାଜା ଓ ଦେବତାଙ୍କ ଭାତ ଵା ଅନ୍ନ କୁ ଓରିଆ କୁହାଯାଏ ଯାହାକୁ ଆମ ଆଡେ଼ କାନିକା କୁହାଯାଇଥାଏ ।
ସେହିପରି ଗଞ୍ଜାମ ଅଞ୍ଚଳରେ ଓରିଆ ଏବଂ ଉଡ଼ ଶବ୍ଦ ସହ ସାମଜସ୍ୟ ଥିବା ଫୁଟିଆଣୀ ଅର୍ଥରେ ଶବ୍ଦଟିଏ ଚଳେ ଓରିଆଣି....
ଓଡ଼ିଶା ଏବଂ ଓଡ଼ିଆ ଶବ୍ଦର ମୂଳରେ ଥିବା ଉଭୟ ସଂସ୍କୃତ (ଉଡ୍ ଧାତୁ )ତଥା ଦ୍ରାଵିଡୀୟ ମୂଳଶବ୍ଦ(ଓଡ଼ ଧାତୁ)ଗୁଡି଼କର ଆର୍ଥିକ ଵ୍ୟାଖ୍ୟାରୁ ଏହିଭଳି ଉଚ୍ଚକଥା ମାନ ଜାଣିବାକୁ ମିଳିଥାଏ ।
ଓଡ଼ିଆମାନେ ସବୁଜାତିର ଲୋକଙ୍କ ସହିତ ଭାତୃଭାବ ରଖି ଚଳିଆସିଛନ୍ତି ଏବଂ ଚଳୁଅଛନ୍ତି ମଧ୍ଯ ! ଵ୍ୟାକରଣ ନିରୁକ୍ତି ତଥା ଶବ୍ଦଜ୍ଞାନଶୂନ୍ୟ ଲୋକ ଦ୍ଵାରା କରାଯାଇଥିବା ଵାଚଳାମୀ ତାହାର ନିଜର ମୂର୍ଖାଣ୍ଡିଆପଣର ଗୋଟାଏ ପ୍ରମାଣ ଛଡା଼ ଆଉ କଣ୍ ହୋଇପାରେ ???
No comments:
Post a Comment