ସର୍ଵେଷାଂ ନୋ ଜନନୀ ଭାରତ
ଧରଣୀକଳ୍ପଲତେୟଂ ,
ଜନନୀ ଵତ୍ସଳ ତନୟଗଣୈସ୍ତତ୍
ସମ୍ୟକ ଶର୍ମ୍ମ ଵିଧେୟଂ ।ଧ୍ରୁବଂ।
ହିମଗିରି - ସୀମନ୍ତିତ - ମସ୍ତକମିଦ
ମମ୍ବୁଧିପରିଗତ ପାର୍ଶ୍ଵମ୍ ,
ଅସ୍ମଜନ୍ମଦମନ୍ନଦମନିଶଂ
ଶ୍ରୌତପୁରାତନମାର୍ଷମ୍ । ୨।
ଵିଜନିତହର୍ଷଂ ଭାରତବର୍ଷଂ
ଵିଶ୍ୟୋତ୍କର୍ଷନିଦାନମ୍ ,
ଭାରତଶର୍ମ୍ମଣି କୃତମସ୍ମାଭି
ର୍ନଵମିଦମୈକ୍ୟ ଵିଧାନମ୍ ।୩।
ଉତ୍କଳଗୌଡା଼ନ୍ଧ୍ରୀୟାଃ ସଂସଦି
ଯେ ଵୟମତ୍ର ସମେତାଃ ,
ଏତେ ଚାପରଜନପଦଜା ନନୁ
ଭାରତ-ଵିହିତ-ନିକେତାଃ ।୪।
ଭାରତହିତ ସମ୍ପାଦନମେଵ ହି
କାର୍ଯ୍ୟ ମିଷ୍ଟମଵିପାକମ୍ ,
ଭାରତଵର୍ଜ୍ଜଂ କିମପି ନ କାର୍ଯ୍ୟଂ
ନିଶ୍ଚିତମିତ୍ୟସ୍ମାକମ୍ ।୫।
ଭାରତପଙ୍କଜଦଳମିଦମୁତ୍କଳ
ମଣ୍ଡଳମିତି ଵିଦିତଂ ଯତ୍ ,
ତସ୍ୟ କୃତେ ଵୟମତ୍ର ସମେତା
ଵିହିତାତ୍ରୋତ୍କଳ - ସଂସତ୍ ।୬।
ଭାରତମେକା ଗତିରସ୍ମାକଂ
ନାପରାସ୍ତି ଭୁଵି ନାମ ,
ସର୍ଵାଦୌ ପରିଷଦ୍ କର୍ମଣି ତତ୍
ଭାରତ ମେଵ ନମାମଃ ।୭।
ଗର୍ଜିତ ଫେନିଳ-ନୀଳ-ନୀର ନିଧି
ସିକତା ସ୍ତୁପ ଵିଚିତ୍ରେ ,
ଇନ୍ଦ୍ରଦ୍ୟୁମ୍ନାଙ୍ଗଭୀମ ନୃପ
ଶାଶ୍ଵତ କୀର୍ତ୍ତି ପଵିତ୍ରେ ।୮।
ଚୈତନ୍ୟାଦିକ ଭକ୍ତଵୃନ୍ଦ ପଦ
ରଜସା ଚିରପରିପୂତେ ,
ପଦ୍ମନାଭ କୃତ ସଦ୍ମତୟା
ତୀର୍ଥାନାଂ ତୀର୍ଥୀଭୂତେ ।୯।
ନୀଳାଚଳନଗରେ ପରିଗୀତଂ
ଭାରତ ଭକ୍ତି ପରାଣାଂ ,
ଭାରତବନ୍ଦନ ମିଦମସ୍ମାକଂ
ମୁଦମାବହୁତୁ ନରାଣାଂ ।୧୦।
©କଵିଵର ରାଧାନାଥ ରାୟ
No comments:
Post a Comment