ବ୍ରହ୍ମାଙ୍କ ପଦ୍ମଟା କେବେଠୁଁ
Bjpଵାଲା ଛଡେ଼ଇନେଇ
ନିଜେ ବ୍ୟବହାର କରୁଛନ୍ତି
ଶୁଣିଲି ଏମାନେ କୁଆଡ଼େ
ଏକ ଧର୍ମ ବିଶେଷ ର
ବଡ଼ପଣ୍ଡା ସାଜିଥିଲେ
ହେଲେ ଶାସକ ହେଲା ପରେ କେତେକ
ପୂର୍ବ ଧାର୍ମିକ ପ୍ରତିଶୃତି ମାନ
ପୂରଣ ନକରିପାରିଲାରୁ
ଭଗବାନଙ୍କ ଲୋକଦେଖାଣିଆ ଭକ୍ତ ମାନେ
ତାଙ୍କ ଉପରେ ଖପ୍ପା ଅଛନ୍ତି ।
କଂଗ୍ରେସ ଦଳ
ଅରଟ,ଗାଈ ବାଛୁରୀ ପରେ
ଶେଷକୁ ଆମ୍ ଆଦମୀର
ହାତକୁ କାଟି ନେଇ ନିଜର
ସନ୍ତକ କରିନେଲେଣି ଯେ ସେଇଦିନ ଠୁଁ ବିଚରା
ଆମ୍ ଆଦମୀ ମାନେ
ନିତ୍ୟ କୌଣସି ନା କୌଣସି ଅଭାବ ଅନାଟନରେ କାଳାତିପାତ କରୁଛନ୍ତି ।
ଆଉ କମ୍ୟୁନିଷ୍ଟ ଲୋକେ ଶେଷକୁ
ଧର୍ମ ଓ ଆମ୍ ଆଦମୀଙ୍କ ସନ୍ତକ
ନପାଇଲାରୁ
କୃଷକ ହାତରୁ ଦାଆ ଓ ଶ୍ରମିକଙ୍କ
ହାତୁଡି଼ କୁ ନେଇ ସେଥିରେ
ନିଜ କ୍ରାନ୍ତିକାରୀ ରକ୍ତରେ
ନୂଆ ସନ୍ତକ ସୃଷ୍ଟି କରି
ଅନେକ ଦିନ ହେବ
ଜଙ୍ଗଲ ପାହାଡ଼ ଏକ କରିବାରେ
ଲାଗିଅଛନ୍ତି ।
କିଛି ନେତାଲୋକ କଂଗ୍ରେସ ଠାରୁ ଚିଡି ଯାଇ
ନୂଆ ଦଳ ଟିଏ ଗଢିଲେ
ଯେ ତାଙ୍କ ଚିହ୍ନ
ହେଲା ଚକ
ସେ ଯୁଗରେ କିଛି କ୍ରାନ୍ତିକାରୀ ଯୁବକ
ଏହାକୁ ବିଷ୍ଣୁଙ୍କ ସୁଦର୍ଶନ ଚକ୍ର ଆଦି ମଧ୍ୟ କହିଦେଇଥିଲେ ।
ବିଷ୍ଣୁଙ୍କ ଚକ୍ର ରେ କଂଗ୍ରେସ ରୂପି ରାକ୍ଷସ ର ବିନାଶ କରାଯାଇପାରେ ବୋଲି ତାଙ୍କର କନସେପ୍ଟ ଥିଲା ହେଲେ
ହାୟ୍ ରେ ତାଙ୍କ ଫଟାକପାଳ ସେମାନେ
ନିଜେ ଭାଇ ଭଗାରୀ ହୋଇ ଘର ଭାଗ ଭାଗ କରି ଆଜକୁ ଚଳୁଛନ୍ତି ।
ଜନତାଦଳ ପରିବାର ଭାଙ୍ଗିଗଲା ପରେ
ଓଡ଼ିଶା ମାଟିରେ
Bjd ର ଜନ୍ମ ହେଲା ।
ନୂଆ ଦଳର ସଦସ୍ୟମାନେ
ବଡ଼ ଦର୍ପରେ ଯାଇ ଜଗନ୍ନାଥ ଙ୍କ ଶଙ୍ଖ ଛଡେଇ ନେଲେ
ଯେ ସେଇଦିନଠୁଁ
ସେଇଟା ଗୋଟାପଣେ ତାଙ୍କ ଦଳୀୟ ସମ୍ପତ୍ତି ହୋଇଯାଇଛି ।
ଜନତାଦଳ ପରିବାରରୁ ଜନ୍ମ ଲାଭ କରିଥିବା
Bsp ର ନେତାଏ
ତାଙ୍କ ଅଞ୍ଚଳରେ ହାତୀ ଥାନ୍ତୁ କି ନଥାନ୍ତୁ
ହାତୀ ବଳୁଆ ଜୀବ
ବୋଲି ନିଜ ଦଳୀୟ ଚିହ୍ନ
ହାତୀକୁ କରିଥିଲେ
ଏଭେ ସେ ଦଳର ସଦସ୍ୟ ମାନେ
ବାଟରେ ଘାଟରେ ସବୁଠାରେ
ବ୍ୟଙ୍ଗ ବିଦୃପର ଶିକାର ହେଉଛନ୍ତି । କାରଣ
ଆଜିକାଲି ବିରୋଧୀ କୁଆଡେ କହୁଛନ୍ତି bspର
ନେତାଙ୍କ ହସ୍ଥିନୀ ପରି ଶରୀର ଥିବାରୁ
ଏଭଳି ଏକ ଚିହ୍ନର ବ୍ୟବହାର ହେଉଛି ।
So ମଧ୍ୟ ଜନତାଦଳ ପରିବାର ର ସଦସ୍ୟ ଥିଲା ହେଲେ
ସେମାନେ ଅଲଗା ହେଲାରୁ
ଆମ୍ ଆଦମୀଙ୍କ ସାଇକେଲ
ଛଡେଇ ନେଇ ତାକୁ
ଦଳୀୟ ଚିହ୍ନ କରିନେଲେ ।
ବିରୋଧୀ କୁହନ୍ତି ଯୋଉଦିନଠୁଁ bspଵାଲାଏ
ସାଇକେଲ ଚିହ୍ନ
ବ୍ୟବହାର କଲେ
ଆମ୍ ଆଦମୀ ମଟର ସାଇକେଲ
କିଣି ଚଢିବା ଆରମ୍ଭ କରିଦେଇଥିଲେ ।
Jduଵାଲାଏ ଜନତାଦଳରୁ ଜନ୍ମଲାଭ ପରେ
ଖୋଜି ଖୋଜି ଶେଷକୁ
ରାମଙ୍କର ଧନୁ ଚୋରେଇ ତାକୁ
ନିଜ ଦଳର ଚିହ୍ନ
କରିଦେଇଛନ୍ତି ।
ତେବେ ଜନତାଙ୍କ ଆଖିରେ ଏମାନେ
ପୁରୁଷୋତ୍ତମ ରାମଚନ୍ଦ୍ର ହେଲେ କି ନାହିଁ
ଏ ପ୍ରଶ୍ନର ଯଥାର୍ଥ ଓ ସଠିକ ଉତ୍ତର ଜନସାଧାରଣ ହିଁ ଦେଇପାରିବେ ।
ମହିଷଶ୍ରୀ ବାହୁବଳୀ ଲାଲୁଦେବ
ତାଙ୍କ ଗାଆଁକୁ ହିଁ ମହିଷ୍ମତିପୁରୀ
ମଣି ସୁଖରେ ରହୁଥିଲେ ।
ଦିନେ ରାତ୍ରକାଳେ
ମହିଷ ଉପରେ ଲଣ୍ଠନ ଲଗେଇ
ବୁଲୁଥିଲେ
ଯେ ପ୍ରାଚୀନ ଜନତାଦଳର କିଛି ନେତା ତାଙ୍କୁ
ଇଶ୍ଵର ଜ୍ଞାନ କରି
RJD ଦଳର ସର୍ବେସର୍ବା କରିଦେଲେ ।
ସେଇଦିନଠୁଁ ସେ ଗୁଡାଏ ଦିନ
ଚାରା ଚରୁଥିଲେ ଯେ କିଛି ଦିନ ପୂର୍ବରୁ
ଧରାପଡି ବଡ଼ ହନ୍ତସନ୍ତ ହୋଇଅଛନ୍ତି ।
ଆମ୍ ଆଦମୀ ପାଖରେ ତଥାପି
ଗୋଟିଏ ଜିନିଷ ଥିଲା
ଝାଡୁ଼ କିନ୍ତୁ କାହାକୁ
ଦିଶୁନଥିଲା । ଶେଷକୁ ଛଞ୍ଚାଣଆଖିଆ
ନେତାଜଣେ କାହୁଁ ଆସି ତାକୁ ମଧ୍ୟ
ଛଡେଇ ନେଇଣ
ନୂଆ ପାର୍ଟି ଗଢି ଦେଇଛନ୍ତି ।
ତାଙ୍କ ବିରୋଧୀ କୁହନ୍ତି
ଏ ବାବୁ ଯେଉଁ ଦିନଠୁଁ
ଝାଡୁ଼ ଧରିଛନ୍ତି
ଦିଲ୍ଲୀରେ ପ୍ରଦୂଷଣ, ଅଳିଆଗଦା ବଢିବାରେ ଲାଗିଛି 😀
ଭାରତରେ ଏମନ୍ତ ଅନେକ ପାର୍ଟି ଅଛନ୍ତି
ଆଉ ତାଙ୍କର ଅନେକାନେକ
ସନ୍ତକ ବା ଚିହ୍ନ ବି ଅଛି
କିନ୍ତୁ ସେମାନେ ନିଜ ଚିହ୍ନ ଅନୁଯାୟୀ
କେତେ ସଚ୍ଚୋଟ ତାହା ଜନତା ଜନାର୍ଦ୍ଦନ ଜାଣନ୍ତି
ମୋ ଭଳି ମୂର୍ଖର ସେତେ ଜ୍ଞାନ ନାହିଁ ।
No comments:
Post a Comment