ଗାଈଘିଅକୁ ସଂସ୍କୃତରେ ଗବ୍ୟଘୃତ କୁହାଯାଉଥିଲା ।
ପଞ୍ଚଗବ୍ୟର ମିଶ୍ରଣରେ ଔଷଧ ତିଆରି ହେଉଥିଲା । ସେହି ପଞ୍ଚଗବ୍ୟର ନାମ
ଦୁଗ୍ଧ(କ୍ଷୀର),ଦଧି(ଦହି),ଘୃତ(ଘିଅ),ଗୋମୁତ୍ର,ଗୋବର !
ଆମିକ୍ଷା ବା ଛେନା ଯେହେତୁ ଏକ ଯୌଗିକ(ଦହିରେ କ୍ଷୀର ମିଶାଇ କରାଯାଏ) ତେଣୁ ଏହାକୁ ପଞ୍ଚଗବ୍ୟର ଅନ୍ତର୍ଭୁକ୍ତ କରାଯାଇନାହିଁ ।
ତେବେ ଏହି ଗବ୍ୟ ଶବ୍ଦର ମୂଳରେ ଅଛି
‛ଗୋ’ ଶବ୍ଦ ଏବଂ
ସଂସ୍କୃତ ବ୍ୟାକରଣ ଅନୁଯାୟୀ
“ଗୋ+ସମ୍ବନ୍ଧାର୍ଥେ,ଭବାର୍ଥେ,ହିତାର୍ଥେ ଯଃ ତସ୍ୟ ଗବ୍ୟ”
ତେବେ ଭାଷାକୋଷରେ ‛ଗବ୍ୟ’ ଶବ୍ଦର ମୂଳରେ
ଥିବା ‛ଗୋ’ ଶବ୍ଦର
33 ଟି ଅର୍ଥ ଲିପିବଦ୍ଧ ହୋଇଅଛି
ସେଗୁଡ଼ିକ ହେଲା:-
ଧେନୁ,ବୃଷ,ଗାଈଠାରୁ ଉତ୍ପନ୍ନ ଦ୍ରବ୍ୟ,ପଶୁ,ପୃଥିବୀ,ମାତା,ଦିଗ,ଗାୟତ୍ରୀ,ବାକ୍ୟ,ସ୍ଵର୍ଗ,ଚକ୍ଷୁ,ଇନ୍ଦ୍ରିୟ,ଦୃଷ୍ଟି,ବିଦିଗ,କେଶ,କିରଣ,ଜଳ,ବାଣ;ଶର,ସୂର୍ଯ୍ୟ,ନକ୍ଷତ୍ର,ଚନ୍ଦ୍ର,ଯାଗବିଶେଷ,ବଜ୍ର,ହୀରକ,“ଗୁଆ”,ଲୋମ,ବୃଷରାଶି,ଦଶକୋଟି ବା ଏକ ନିୟୁତ ସଂଖ୍ୟା,ନଅ ସଂଖ୍ୟା,ଗାୟକ,ଗୋମେଧ ଯଜ୍ଞ ଓ ଗୃହ......
‛ଗୋ’ ଶବ୍ଦର ସେହି 33ଟି ଅର୍ଥ ମଧ୍ୟରୁ ଗୋଟିଏ ହେଉଛି ଗୁଆ !
ଏଣୁ ,
“ଗୁଆ ଓ ଗବ୍ୟ ଶବ୍ଦ ମଧ୍ୟରେ ସାମଜସ୍ୟତା ଥିବାରୁ ତଥା ‛ଗୋ’ ଶବ୍ଦର ଏକ ଅର୍ଥ
ଗୁଆ ହୋଇଥିବାରୁ ଓଡ଼ିଆ ରେ ଗାଈଘିଅକୁ
ଗୁଆଘିଅ କୁହାଯାଉଛି !
No comments:
Post a Comment