ଶ୍ରୀଜଗନ୍ନାଥ ମନ୍ଦିର ମଧ୍ୟରେ ଯେଉଁ ଵିଧି ଦ୍ବାରା ଅନ୍ନର ଅନ୍ନତ୍ଵ ଲୋପ କରାଯାଇ ବ୍ରହ୍ମତ୍ଵ ଆରୋପିତ ହୋଇ ମହାପ୍ରସାଦରେ ପରିଣତ କରାଯାଇଥାଏ ତାକୁ ଷଡ଼ାଙ୍ଗ ସଂସ୍କାର କୁହାଯାଏ ।
ଏହି ଷଡ଼ାଙ୍ଗ ସଂସ୍କାରଗୁଡି଼କ ହେଲା
(କ). ମହାଲକ୍ଷ୍ମୀଙ୍କ ଦ୍ଵାରା ରନ୍ଧନ ହୁଏ ତଥା ଵୈଷ୍ଣଵାଗ୍ନିରେ ପାଚିତ ହୋଇଥାଏ ।
(ଖ). ଶ୍ରୀଯନ୍ତ୍ର ରୂପକ ଠାଆ ବା ମୁରୁଜରେ ନୈଵେଦ୍ୟ ନିମନ୍ତେ ସ୍ଵର୍ଣ୍ଣମୟ ପାତ୍ରରେ ପରିଵେଷିତ ହୁଏ ।
(ଗ). ମନ୍ତ୍ରରାଜ ଵା ଦ୍ୱାବିଂଶକ୍ଷରୀ ପାତାଳ ନୃସିଂହ ମନ୍ତ୍ରରେ ପ୍ରେକ୍ଷିତ ହୁଏ ।
(ଘ). ଗୋଵିନ୍ଦଙ୍କ ଅଷ୍ଟାଦଶାକ୍ଷର ଗୋପାଳ ମନ୍ତ୍ରରେ ନିଵେଦିତ ହୁଏ
(ଙ). ଭୈରଵୀ ଚକ୍ରରେ ଉଚ୍ଛିଷ୍ଟ ଭୈରଵୀ ବିମଳାଙ୍କୁ ସମର୍ପିତ କରାଯାଏ ।
(ଚ). ଅଷ୍ଟ ସାତ୍ତ୍ଵିକ ଵୈଷ୍ଣବମାନ, ଯଥା ବିଶ୍ଵକ୍ସେନ, ଶୁକ, ପ୍ରହ୍ଲାଦ, ହନୁମାନ, ନାରଦ, ଵୈନତେୟ, ଦେଵଳ ଓ ଇନ୍ଦ୍ରଦ୍ୟୁମ୍ନଙ୍କୁ ଅଵଶେଷାନ୍ନ ବଳି ପ୍ରଦାନ ପରେ ଏହା ମହାପ୍ରସାଦରେ ପରିଣତ ହୋଇଥାଏ ।
ସ୍କନ୍ଦପୁରାଣ (ଉତ୍କଳଖଣ୍ଡ) ମତରେ ଅଗ୍ନିସ୍ଥାନ ବହୁ ସଂସ୍କାର ପରେ ଅନ୍ତର୍ହିତା ଲକ୍ଷ୍ମୀ ମହାପ୍ରସାଦ ପାକ କରିଥାଆନ୍ତି । ପୁନଶ୍ଚ ଯଜ୍ଞାଗ୍ନିରେ ପାକ ହୋଇ ଯନ୍ତ୍ର ରାଜ ଶ୍ରୀଯନ୍ତ୍ର ଉପରେ ନ୍ୟାସିତ ହୋଇ ମନ୍ତ୍ରରାଜ ନୃସିଂହ ମନ୍ତ୍ରଦ୍ଵାରା ପୂଜିତ ହୋଇ ଜଗନ୍ନାଥଙ୍କୁ ନିଵେଦିତ ହୋଇ ବିମଳାଙ୍କୁ ସମର୍ପଣ ହେଲା ପରେ ମହାପ୍ରସାଦରେ ପରିଣତ ହୋଇଥାଏ ।
No comments:
Post a Comment