ଗୋଟିଏ ଚିତ୍ରଶାଳାରେ ଖଣ୍ଡେ ଚିତ୍ର 'ଫିଆ' ହୋଇଥଲା । ଜଣେ ଲୋକଙ୍କ ମନକୁ କ'ଣ ଯୁଟିଲା କେଜାଣି ସେ ଗମାତରେ ଉକ୍ତ ଚିତ୍ରତଳେ ଚିତ୍ରର ଗୋଟିଏ ଖୁଣ ଦେଖାଇ ଧାଡ଼ିଏ ଲେଖିଦେଲେ । ତା’ପରେ ଯେତେ ଲୋକ ସେ ଚିତ୍ର ହେରିଵାକୁ ଆସିଲେ, ସେମାନେ ମଧ୍ୟ ପୂର୍ଵୋକ୍ତ ଦୋଷ ସମ୍ବନ୍ଧୀୟ ମନ୍ତଵ୍ୟ ତଳେ ସେହି ଛଵିର କେଵଳ ଗୋଟିଏ ଗୋଟିଏ ଅଵିଗୁଣ ଲେଖି ଦେଇଗଲେ । ତହିଁ ଆରଦିନ ଦେଖିଲାବେଳକୁ ଚିତ୍ରରେ ଥିଵା ତ୍ରୁଟି ଵିଚ୍ୟୁତି ସମ୍ବନ୍ଧରେ କେଵଳ ଆଠ ଦଶଗୋଟି ମନ୍ତଵ୍ୟ ଲେଖାଯାଇଅଛି ।
ସାଧାରଣ ଲୋକମତରେ ଏହାର ମୂଲ୍ୟ ପରୀକ୍ଷା କରିଵା ଲାଗି ପ୍ରଥମ ମନ୍ତଵ୍ୟ ଲେଖକ ଵ୍ୟକ୍ତି ସେ ଧାଡ଼ିଗୁଡ଼ିକ ଲିଭାଇଦେଇ ଚିତ୍ରର ଗୋଟିଏ ଗୁଣ ଦେଖାଇଵାକୁ ଯାଇ ଧାଡ଼ିଟିଏ ଲେଖିଦେଲେ । ସତକୁ ସତ ତା’ ପରେ ଯେତେ ଦେଖେଣାହାରୀ ସେ ଚିତ୍ର ଦେଖିଵାକୁ ଆସିଲେ, ସେମାନେ ଉକ୍ତ ଧାଡ଼ିତଳେ ଚିତ୍ରର ଗୋଟିଏ ଗୋଟିଏ ଗୁଣ ଦେଖାଇ ଲେଖିଦେଇଗଲେ । ତା' ପରଦିନ ଦେଖିଲା ବେଳକୁ ଗୁଣଵର୍ଣ୍ଣନାରେ ସେ ଚିତ୍ରର ନିମ୍ନଦେଶ ପୂର୍ଣ୍ଣ ହୋଇଅଛି ।
ଫେସବୁକ, ୟୁଟ୍ୟୁବ ଆଦି ସାମାଜିକ ଗଣମାଧ୍ୟମରେ ବି ସେଇଆ ହୁଏ । ଜଣେ ଯେତେ ଭଲ ଲେଖା ଲେଖିଥାଉ ଦୋଷ ଦର୍ଶକ ଯୁଟିଯାଆନ୍ତି ତାପରେ ଲେଖାରୁ କିଛି ନା କିଛି ଦୋଷ ଦର୍ଶନକରି ଆଗପଛ ନ ଵିଚାରି ମନ୍ତଵ୍ୟ ଲେଖିଦିଅନ୍ତି । ସେ ଲୋକ ଦେଖାଦେଖି ଅନ୍ୟମାନେ ବି ସେହିପରି ମନ୍ତଵ୍ୟ ଦିଅନ୍ତି । ଲେଖକର ଉଦ୍ଦେଶ୍ୟ ବୁଝିବେ କ'ଣ ଗୋଟାଏ ଗୌଣ ମନ୍ତଵ୍ୟକୁ ଧରି ଲୋକେ ଲେଖକଙ୍କୁ ଛେଚି କଚାଡ଼ି ପକାନ୍ତି ...
•••••••••••••••••••••••••••
ଫିଆ—(exhibited)ପ୍ରଦର୍ଶିତ
ଜୁଟିଵା/ଯୁଟିଵା— ମିଳିଵା, ପ୍ରାପ୍ତ ହେଵା
ଗମାତ—କୌତୁକ,ଗେଲ
ଖୁଣ—ଦୋଷ
ହେରିଵା—ଦେଖିଵା
ଅଵିଗୁଣ—ଦୋଷ
ଦେଖେଣାହାରୀ—ଦର୍ଶକ
•••••••••••••••••••••••••••
No comments:
Post a Comment