ଏତ ବର୍ଷାକାଳ କାମନା ପ୍ରଵଳ
ମନରେ ଲାଗିଛି ନିଁଆ
ତୋ ପ୍ରେମର ଵାରୀ
ଦେ ପ୍ରିୟା ଢ଼ାଳି ଗୁମାନ କରୁଛୁ କିଆଁ ।।
ମଦମତ୍ତ ଦେଖ ଏ କାଳେ ସର୍ଵେ
ତୁ କିଁପା ହେଲୁ ନିଷ୍ଠୁର
ମୋ ପ୍ରେମ ତୁଷ୍ମା ଦୂରକରି ପ୍ରିୟେ
କଷଣ ଲାଘଵ କର
ମଧୁର ପରଷ ପାଇଲେ ସହସା
ପଥର ତରଳିଯାଏ
କହି କହି ଏତେ ବୃଥା ଏ ପ୍ରୟାସ
ତୋ କୃପା ମିଳିଵ କେବେ ?
ପ୍ରେମ ବିନା ପ୍ରାଣୀ ଜୀଵନ ଵିଫଳ
ପ୍ରେମ ହିଁ ପ୍ରକୃତ ଧନ,
ଥାଇ କୋଟିନିଧି କ୍ଷମତା ପ୍ରସିଦ୍ଧି
ପ୍ରୀତି ବିନା ନ ଲାଗେ ମନ ।।
କେତେଦିନ ଅଵା ସଂସାରେ ରହଣୀ
ଆଜି ଅଛେ କାଲି ଯିଵା
ଯେତେ ଦିନ ଥିଵ ଦେହରେ ଜୀଵନ
ପ୍ରେମ ଶିଖି ଶିଖେଇବା ।।
କରୁଛ କି ଲାଜ ମନେ ତୁମ ପ୍ରିୟା
ଏ ତ ନୂଆ ନୂଆ ପ୍ରୀତି
ପ୍ରଥମ ପ୍ରେମର ମତୁଆଲା ନିଶା
ହୃଦୟେ ସଞ୍ଚରେ ଭୀତି ।।
ପ୍ରେମ କଲେ ଦୁଃଖ ସହିଥାଏ ମନ
ଵିଛେଦ ଵିରହ ଯଥା
କେହି ଜାଣିନାହି କେବେଠୁଁ ଚାଲୁଛି
ସଂସାରେ ଏଭଳି ପ୍ରଥା ।।
ଆସ ଆସ ଆଉ ନ କରି ଵିଳମ୍ଭ
ଏ ତ ମଧୁମୟ କ୍ଷଣ
ଚଳିଗଲେ ଦିନ ବିତିଗଲେ କ୍ଷଣ
ନ ମିଳଇ ସୁଖ ପୁଣ ।।
ଶିଶିର ସାହୁ ମନୋଜ
କନ୍ତିଓ, ଢେଙ୍କାନାଳ
+୯୧୮୧୨୮୪୬୪୯୭୧
No comments:
Post a Comment