ବିଦୁଷକ ନିଯୁକ୍ତ ଥାଅନ୍ତି ।
ଗୋପାଳର ଏକମାତ୍ର କନ୍ୟାର ବିବାହ ପରେ
ଜ୍ଵାଇଁ ଡାକରା ହେଲା ।
ଜ୍ଵାଇଁପୁଅ
ଆସି ବେସ୍ କେତେ ଦିନ ଶ୍ଵଶୁର ଘରେ
ମଉଜ ମଜଲିସ୍ ରେ କଟାଇଲେଣି
ହେଲେ ଘର ବାହୁଡାକୁ ମନ ବଳାଉନଥାନ୍ତି । ସାସୁଘରେ କ୍ଷିରୀପୁରୀ ମାଂସଭାତ ର ଆସର ପୁଣି ସାସୁମାଆଙ୍କ ଆଦର ସତ୍କାର ଛାଡ଼ି ଭଲା କିଏ ଏମିତି ଜ୍ଵାଇଁ ଅଛି
ଯେ ଖରାତରା ରେ ଖଟିବାକୁ
ଘର କୁ ଲେଉଟିଯିବ !!!
ଗୋପାଳ ଏଣେ ନିଜ ଜ୍ଵାଇଁ ପ୍ରତି ଭିତରେ ଭିତରେ ଅତିଶୟ ଚିଡ଼ିଗଲାଣି ।
କେତେଥର ବାଧିଲା କଥା କହି ମଧ୍ୟ
ଯେବେଜ୍ଵାଇଁପୁଅ ଘରୁ ନ ଗଲା
ଗୋପାଳ ବିଚରା ବ୍ୟସ୍ତ ବିବ୍ରତ ହୋଇଗଲା ।
ଦିନେ ସଂଧ୍ୟା ସମୟରେ ଗୋପାଳ
ଗୋଟାଏ ଉପାୟ ପାଞ୍ଚି ତା ଜ୍ଵାଇଁ କୁ ଡାକିଲା
ଗୋପାଳ ନିଜ ବସିଖିଆ ଜ୍ଵାଇଁ କୁ ମିଠାମିଠା କଥା କହି ତାକୁ ଜାଲ ରେ ଫାନ୍ଦିବାର ସବୁ ପରକାର ବାକ୍ୟବଳ ଖର୍ଚ କଲା ।
ଗୋପାଳ ଜ୍ଵାଇଁ କୁ କହିଲା
"ବାପ ରେ ମୋର ତ ଏଣିକି ବଳ ବହପ ଗଲା । ଆଗକୁ ତୁ ଏ ଘର ର ମାଲିକ ହେବୁ
ହେଲେ ବାପ ମୁଁ ବୁଢ଼ା ଜାଣି କେହି ଜଣେ ଚୋର ନିଇତି ଆସି ଲେମ୍ବୁ ଚୋରେଇ ନେଉଛି
ତୁ ତ ଜାଣିଛୁ ମୁଁ ସକାଳୁ ସକାଳୁ ଲେମ୍ବୁ ଟେ ନହେଲେ
ପଖାଳ ଗୁଡ଼ାକ ମୋତେ ରୁଚେନା ।
ତୁ ଟିକେ ସେଇ ଚୋର ଟାକୁ କାବୁ କରି ଦିଅନ୍ତୁ ଯଦି
ମୋତେ ଲେମ୍ବୁ ଟାଏ ପାଇଁ ବଜାର ଯିବାକୁ ପଡ଼ନ୍ତା ନାହିଁ !"
ଗୋପାଳର ଜ୍ଵାଇଁପୁଅ ଏ ସବୁ ଶୁଣି ନିଜକୁ ଏକବାରେ ବୀର ଧୁରନ୍ଦର ଜ୍ଞାନକରି ଛାତି ଚଉଡା କରି କହିଲା
'ବାପା ଚିନ୍ତା କରନା
ଆଜି ମୁଁ ଚୋର କୁ ଧରି ତୁମ ଆଗରେ ହାଜର କରି ଦେଖାଇବି
ମୁଁ ବର୍ତ୍ତମାନ ଯାଉଛି ସେଇ ଲେମ୍ବୁଗଛ ମୂଳେ ଛକି ବସିବି ଆଉ ଚୋର ଆସିଲେ ତାକୁ ଧରିବି'
ଏତିକି କହି ଜ୍ଵାଇଁପୁଅ
ବୀରଦର୍ପରେ ଚାଲିଗଲେ
ସେଇଠୁ ଗୋପାଳ ପେଟରେ ହାତ ରଖି
ପେଟ ବିନ୍ଧିବାର ଅଭିନୟ କରି
ତା ସ୍ତ୍ରୀ କୁ ଡାକ ଛାଡ଼ିଲା !
ଗୋପାଳ ର ସ୍ତ୍ରୀ ଆସିଲା
ଗୋପାଳ ତାକୁ ପେଟ ବିନ୍ଧା କଥା କହିଲା ।
ସ୍ତ୍ରୀଲୋକ ଗୁଡ଼ାକ ଘରୋଇ ବଇଦ
ଗୋପାଳ ଏକଥା ଜାଣେ !
ତା ସ୍ତ୍ରୀ ତେଣୁ ଲେମ୍ବୁ ଟାଏ ପାଇଁ ବାଡ଼ି ପଟକୁ ଗଲା !
ଯେତେବେଳେ ସେ ଲେମ୍ବୁ ତୋଳିବା ଆରମ୍ଭ କରେ
ଆଗରୁ ସେଠି ଚୋର ଧରିବାକୁ ଲୁଚିରହିଥିବା
ଜ୍ଵାଇଁପୁଅ ସାସୁକୁ ଚୋର ଭାବି କୁଣ୍ଢାଇ ଧରିଲା
ଏବଂ ଶ୍ଵଶୁର ବୁଢ଼ାକୁ
ଜୋର ଜୋର ସେ ଡାକ ପକାଇଲା !
ଗୋପାଳ ମନେ ମନେ ଖୁସି ହୋଇଗଲାଯା ହେଉ କାର୍ଯ୍ୟ ସିଦ୍ଧି ହେଲା ଆଜି !
ତା ପରେ
ଲେମ୍ବୁ ଗଛ ମୂଳେ ପହଁଚି
ନିଜ ସ୍ତ୍ରୀ ତଥା ଜ୍ଵାଁଇ କୁ ଦେଖି
କହିଲା
"ଛି ଛି ଛି ଶେଷକୁ ଏଇକଥା ଦେଖିବାର ଥିଲା !
ମାଆ ପୁଅ ଭଳି ସମ୍ପର୍କ ରେ
ତୁମେ ମାନେ ଶେଷରେ କଳଙ୍କ ଲଗେଇ ଦେଲ"
ଏଇମିତି ଗୋପାଳର କେତେକଥା ଶୁଣିଶୁଣି
ଜ୍ଵାଁଇପୁଅ ଙ୍କ ସ୍ଵାଭିମାନ ଜାଗିଲା !
ତା ପର ଦିନ ଶୁଣାଗଲା
ବାବୁ ଗୋପାଳ ପଣ୍ଡାଙ୍କ ଗୁଣମନ୍ତ
ଜ୍ଵାଁଇପୁଅ ପ୍ରାତଃକାଳରୁ ସ୍ଵଗୃହ ପ୍ରତ୍ୟାବର୍ତ୍ତନ କରିଗଲେ ।
No comments:
Post a Comment