(ରାଗ ଶଙ୍କରାଭରଣ)
ପ୍ରକୃତି ର ଶୋଭା ଯାର
ଜଗତେ ଅତୁଳ
ସ୍ଵର୍ଗସୁଖୁଁ ବନ୍ଦି ସୂଖ ଦିଏ ଯାହା କୋଳ
ସେ ତ ସ୍ଵଦେଶ ମୋହର
ଧରଣୀର ମଥାମଣି ଗୌରବର ଘର ।1।
ରତ୍ନାକର ପଦ ଯାର
ଧୁଏ ଅବିରତ
ହିମାଳୟ ମୁକୁଟେ
ଯା ଶିର ସୁଶୋଭିତ
ସେ ତ ସ୍ଵଦେଶ ମୋହର
ଧରଣୀ ର ମଥାମଣି ଗୌରବ ର ଘର ।2।
କ୍ଷୀର ସମ ନୀର ବହି ନଦୀରେ ଯେ ଭୂଇଁ
ଜନନୀ ସମାନ ସୁତ ସୁତାଙ୍କୁ ପାଳଇ
ସେ ତ ସ୍ଵଦେଶ ମୋହର
ଧରଣୀର ମଥାମଣି ଗୌରବର ଘର ।3।
ସୁମଧୁର ଫଳ ଧରି ଯାର
ତରୁଗଣ
ପୋଷୁଛନ୍ତି ଚିରକାଳ
ଜୀବ ଅଗଣନ
ସେ ତ ସ୍ଵଦେଶ ମୋହର
ଧରଣୀର ମଥାମଣି ଗୌରବର ଘର ।4।
ସୁଗନ୍ଧ ପୁଷ୍ପମାନ ଯାର ଫୁଟି ଦିବା ରାତି
ଭୂତଳରେ ତାରାମାଳ
ପରାଏ ଶୋହନ୍ତି
ସେ ତ ସ୍ଵଦେଶ ମୋହର
ଧରଣୀର ମଥାମଣି ଗୌରବ ର ଘର ।5।
ବିଲ ,ବନ ,ଗିରି ଯାର
ଶ୍ୟାମଳ ସୁନ୍ଦର
ମହୁ ଖାଇ ଫୁଲେ ଯାର
ଘୁମାଏ ଭ୍ରମର
ସେ ତ ସ୍ଵଦେଶ ମୋହର
ଧରଣୀର ମଥାମଣି ଗୌରବର ଘର ।6।
ବସୁଧାର ଗନ୍ତାଘର ଯାହା ଧନେ ଧନୀ
ଧର୍ମ ର ଆଲୁଅ ଦେଲେ
ଜଗତେ ଯା ଜ୍ଞାନୀ
ସେ ତ ସ୍ଵଦେଶ ମୋହର
ଧରଣୀର ମଥାମଣୀ ଗୌରବର ଘର ।7।
Subscribe to:
Post Comments (Atom)
ଯଜ୍ଞନିନ୍ଦା(ମହାଭାରତ କଥା)
ଵିଦର୍ଭରେ ସତ୍ୟ ନାମରେ ଜଣେ ବ୍ରାହ୍ମଣ ଥିଲେ ଏଵଂ ତାଙ୍କ ସ୍ତ୍ରୀଙ୍କ ନାମ ପୁଷ୍କରଧାରିଣୀ ଥିଲା । ସତ୍ୟ ଉଞ୍ଛଵୃତ୍ତି ଦ୍ଵାରା ନିଜର ଜୀଵନ ନିର୍ଵାହ କରୁଥିଲେ । ଦିନେ ସ...
-
ଵର୍ତ୍ତମାନ ଯୁଗରେ କାଳିଚରଣ ପଟ୍ଟନାୟକ ଜନସମାଜ ମଧ୍ୟରେ କଵିଚନ୍ଦ୍ର ଭାବେ ପରିଚିତ ତେବେ ତାଙ୍କ ପୂର୍ଵରୁ ଆହୁରି ଅନେକ ସାହିତ୍ୟ ସ୍ରଷ୍ଟା କଵିଚନ୍ଦ୍ର ଉପାଧି ଲାଭକରିଛନ୍...
-
ଵିଶ୍ଵରେ ଵର୍ତ୍ତମାନ ଭୀଷଣ କରୋନା ଵିପତ୍ତି ପଡି଼ଛି କିନ୍ତୁ ଏହା ମଧ୍ଯରେ ଗୋଟାଏ ମହତ୍ତ୍ୱପୂର୍ଣ୍ଣ ପ୍ରଶ୍ନକୁ ନେଇ ଓଡ଼ିଶାର ବୁଦ୍ଧିଜୀଵୀ ମହଲରେ ଆଉଥରେ ଆଲୋଚନା ପର୍ଯ୍ୟ...
-
ନଵମ ଶ୍ରେଣୀରେ ସଂସ୍କୃତ ଶିକ୍ଷକ ଶ୍ଵେତ ମହାଶୟ ଦିନେ ପ୍ରସଙ୍ଗଵଶତଃ ଆମ୍ଭମାନଙ୍କୁ ପ୍ରଶ୍ନ କଲେ “ଇଂରାଜୀ ହେଲମେଟ୍(Helmet) ଶବ୍ଦର ଓଡ଼ିଆ କ'ଣ ହେଵ ?” ଶ୍ରେଣୀ ...
No comments:
Post a Comment