ଶାଳିଆପତନୀ ମାର୍ଜାର ଭଳି ଦେଖାଯାଉଥିବା ସିଭେଟ୍ ଜାତୀୟ ଏକ ପ୍ରକାର ର ସ୍ତନ୍ୟପାୟୀ ଜୀବ
ଏହା ଶରୀରରୁ କସ୍ତୁରୀ ଭଳି ଗନ୍ଧ ବାହରୁଥିବାରୁ ଏହାର ସଂସ୍କୃତ ନାମ ଗନ୍ଧ ମାର୍ଜାର ହୋଇ ଅଛି ।
ସଂସ୍କୃତ ଶାଳାବୃକ ଶବ୍ଦରୁ ସମ୍ଭବତଃ ଶାଳିଆପତନୀ ହୋଇଥିବା ଅନୁମାନ କରାଯାଏ । ଏହାର ବୈଜ୍ଞାନିକ ନାମ
Viverricula indica ।
ଶାଳିଆ ପତନି ଏବଂ ଖଟ୍ଟାଶ ଅଲଗା ପ୍ରକାର ର ଜୀବ ।
ଶାଳିଆପତନି ଖଟ୍ଟାଶ ଠାରୁ ଅପେକ୍ଷାକୃତ ଛୋଟ ଏବଂ ଦେଖିବାକୁ ନକୁଳ,ମାର୍ଜାର ଏବଂ ଖଟ୍ଟାଶ ଆଦିର ମିଶ୍ରିତ ରୂପ ।
ଶାଳିଆପତନି କୁ ଇଂରାଜୀରେ କ୍ଷୁଦ୍ର ଭାରତୀୟ ଖଟ୍ଟାଶ ବା small indian civet ତଥା the civet cat ମଧ୍ଯ କୁହାଯାଏ ।
ଆଫ୍ରିକାନ୍ ଲିନ୍ସାଙ୍ଗ African linsangs ସହ ଶାଳିଆପତନୀର ଅନେକ ସାମଜସ୍ଯ ଦେଖାଯାଏ ଏଥିପାଇଁ କେହି କେହି ଏହାକୁ ଗନ୍ଧ ନକୁଳ ମଧ୍ଯ କହିଥାଅନ୍ତି । ଆଗେ ଲୋକେ ଏହାର ଅଣ୍ଡକୋଷକୁ କାଟି ଘରେ ରଖୁଥିଲେ ଏବଂ ବ୍ରଣ ର ଔଷଧରୂପେ ବ୍ଯବହାର କରୁଥିଲେ ।
ଏମାନେ ଓଧ ଜାତୀୟ କିନ୍ତୁ ବିରାଡୀ ଠାରୁ ବଡ ।
ଲୋମ କୃଷ୍ଣ ଏବଂ ପାଣ୍ଡୁର ।
ମୁହଁ କୋକିଶିଆଳ ପରି ଗୋଜିଆ ।
ଲାଞ୍ଜ 1ରୁ 2ହାତ ପର୍ଯ୍ୟନ୍ତ ଲମ୍ ହୋଇଥାଏ । ଏମାନଙ୍କ ଲାଞ୍ଜରେ କଳା ଧଳା ଶଙ୍ଖାମୁଣ୍ଡିଆ ପଟି ଚିହ୍ନ ଥାଏ । ଶାଳିଆପତନି ଫଳମୂଳ ଖାଉଥିବାରୁ ଜଙ୍ଗଲ ତଥା ଫଳ ଉଦ୍ଯାନ ଗୁଡିକରେ ରହିବା ପସନ୍ଦ କରେ ।
ଆଜିକାଲି ମାନବ ମାନଙ୍କ ଦୌରାତ୍ମ୍ୟ ଯୋଗୁଁ ଜଙ୍ଗଲ କମି କମି ଯାଉଅଛି ,
ଫଳରେ
ଶାଳିଆପତନି ଢେ଼ଙ୍କାନାଳର କେତେକ ଗାଁ ରେ ଅମୃତଭଣ୍ଡା ଖାଇ ଯାଉଥିବା ମୋ ନଜରକୁ ଆସିଥିଲା !
ଶାଳିଆପତନି... ବାଙ୍ଗଲାଦେଶ,ଭୂଟାନ,କାମ୍ବୋଡିଆ,ଚୀନ,ଭାରତ,ଇଣ୍ଡୋନେସିଆ,ମାଲେସିଆ,ମିଆଁମାର,ନେପାଳ, ପାକିସ୍ତାନ, ଶ୍ରୀଲଙ୍କା,ପାକିସ୍ତାନ, ତାଇଓ୍ବାନ୍,ଭିଏତନାମ୍,ଥାଇଲାଣ୍ଡ଼ ଆଦି ଉତ୍ତରପୂର୍ବ ଏବଂ ଉତ୍ତରପଶ୍ଚିମ ଏସିଆର ଜଙ୍ଗଲଗୁଡିକରେ ଆଗେ ବହୁଳଭାବେ ଦେଖାଯାଉଥିଲେ ହେଁ ଆଜି ଏମାନଙ୍କ ବାସଭୂମିର ଅଭାବ ଯୋଗୁଁ ବିଲୁପ୍ତି ଆଡ଼କୁ ମୁଁହାଇଛନ୍ତି ।
No comments:
Post a Comment