ଜଳାଶ୍ରୟ ଦଳେ କମୁଦିନୀ
ରାତ୍ରେ କରି ଶୃଙ୍ଗାର
ଚନ୍ଦ୍ର ମନ ମୋହିବାକୁ
ପାଉଅଛି ଶୋଭା
ରସିକ ଭ୍ରମରେ
ଲୋଭେ ଉଡ଼ୁଛନ୍ତି ଚତୁଃପାର୍ଶ୍ଵେ
ମଧୁ ଆଶେ
କୁମୁଦ ଯେ ସତୀ ସାଧ୍ଵୀ
ତେଣୁ
ତେଣେ ନାହିଁ ନିଘା ।
ରୁଚିରରୁଚି ସେ ଚନ୍ଦ୍ର ପ୍ରେୟଶୀ
ହୃଦେ ଧରି ପ୍ରେମଧନ
ପ୍ରିୟ ଯୋଗେ
ପ୍ରତିକ୍ଷାରେ ହୋଇଅଛି ଉଭା !
ସନ୍ଧ୍ୟା ଆଗମନେ
ବାହୁଡ଼ନ୍ତି ବକାବଳୀ
ବାହୁଡୁଛି ଚଷା ପୁଅ
କୂଳବଧୂ ଫେରେ ସ୍ନାନ ସାରି
ନୀଶାକାଳ ଆଗମନେ
ଗାଭି ନେଇ ଫେରେ ଗଉଡ଼ ଟୋକା
ସୂରୁଯ ବୁଡ଼ିଲେ ପଶ୍ଚିମାକାଶେ
ବ୍ରାହ୍ମଣୀ ନଦୀର ଜଳ
ଦିଶେ ଅବା ସ୍ଵର୍ଣ
କି ଉପମା ତାରେ ଦେବା !
No comments:
Post a Comment