ଦେଶର କୌଣସି ଏକ ଅଳ୍ପ ବିକଶିତ ସହରରେ ଥରେ ଜଣେ ବେପାରୀ ଆସି ପହଞ୍ଚିଲେ । ସେ ଲୋକ ଙ୍କୁ ମାଙ୍କଡ଼ ଧରି ଆଣିଲେ 100 ଟଙ୍କା ଦେବେ ବୋଲୀ ପ୍ରତିଶୃତି ଦେଲେ ।
ଲୋକେ ଦୌଡ଼ାଦୌଡ଼ି କରି ମାଙ୍କଡ଼ ଧରିବାରେ ଲାଗିପଡ଼ିଲେ । କିଛିଦିନ ପରେ ଲୋକମାନଙ୍କର ଭିଡ଼ କମି କମି ଆସିଲା ।
ବେପାରୀ ଜଣକ ପୁଣି ଘୋଷଣା କଲେ ମୁଁ ପ୍ରତି ମାଁକଡ଼ ପାଇଁ 200 ଟଙ୍କା ଲେଖାଏଁ ଦେବି । ଲୋକେ ଏଥର ଅଧିକ ଧନଲାଭ ଆଶାରେ ମାଙ୍କଡ଼ ଧରିବାରେ ଲାଗିଗଲେ ।
ଅଳ୍ପ ଦିନ ଭିତରେ ଜଙ୍ଗଲ ରୁ ସବୁ ମାଙ୍କଡ଼ ଧରା ହୋଇଗଲେ । ଏଥର ବେପାରୀ ପ୍ରତି ମାଙ୍କଡ଼ 1000 ଟଙ୍କା ଲେଖାଏଁ ଦେବେ ବୋଲି ପ୍ରତିଶୃତି ଦେଲେ ଏବଂ ଜଣେ ମେନେଜର କୁ ନେଣଦେଣ ର ଦାୟିତ୍ବ ଦେଇ ବଡ଼ ସହରକୁ ଚାଲିଗଲେ ।
କଡ଼ା ପରିଶ୍ରମ କରିମଧ୍ଯ ଲୋକଙ୍କୁ ମାଙ୍କଡ଼ ମିଳିଲେନି । ମେନେଜର ଛୋଟ ସହର ର ଲୋକଙ୍କୁ କହିଲେ ଆପଣ ମାନେ 700 ଟଙ୍କା ଲେଖାଏଁ ଦେଇ ଧରାଯାଇଥିବା ମାଙ୍କଡ଼ କିଣନ୍ତୁ ପରେ ତାକୁ ଆମ ବଡ଼ବାବୁଙ୍କୁ 1000 ଟଙ୍କା ରେ ବିକିଦେବେ ।
ଲୋକଙ୍କୁ ଏ ପ୍ରସ୍ତାବ ଖୁବ ଭଲଲାଗିଲା । ସଭିଏଁ 700 ଟଙ୍କା ଦେଇ ମାଙ୍କଡ଼ କିଣିଲେ । ତା ପର ଦିନ ଦେଖିଲା ବେଳ କୁ କଣ ନା ମେନେଜର ମାଲିକ କମ୍ପାନୀ ସଭିଏଁ ଗାଏବ !!!!
No comments:
Post a Comment