ଶ୍ରମିକ

ସହି ରୌଦ୍ରତାପ,
ମଥାରୁ ବହିଯାଉଥାଏ ଶ୍ଵେଦ

ବିଷମତା ଆଉ ବିବଶତା ରେ ସେ ଯେ ସଦା ଘାଣ୍ଟି ହେଉଅଛି,
ବିତିଲାଣି କେତେ ଯୁଗ

.

ସଭ୍ୟତା ସୃଜନ କର୍ତ୍ତା ସିଏ
ଚିରି ଚଟ୍ଟାଣ ଗଢ଼ିଛି ରାସ୍ତା,
.
ନାଳମନ୍ଦିର ପ୍ରାସାଦ ଶସ୍ୟ ଖେତରେ ତା'ର ପରିଶ୍ରମ ଯେବେ ହସେ
ପ୍ରତିଟି ଉଦର ଶାନ୍ତ ହୁଏ ତେଣୁ
କୃଷ୍ଟି ଲବ୍ଧ ସେଇ ଶସ୍ୟେ
.
ତା'ର ପରାକ୍ରମେ ଗଗନ ଚୁମେ ଅଟ୍ଟାଳିକା
ପ୍ରକଟିତ କେତେ ସେତୁ, ବନ୍ଧ, କେନାଲ ,ଭବନ ଯେତେ
.
ଦେଶ ସମ୍ପନ୍ନତା ତା'ର ଭୂଜବଳେ ହୋଇଥାଏ ଯେଣୁ ସାର୍ଥକ
କହିଥିଲେ ତେଣୁ ଲାଲବାହାଦୁର ଶ୍ରମିକ ମାନଙ୍କୁ ନାୟକ
.
ଅଳ୍ପ ରେ ସନ୍ତୁଷ୍ଟ ରହିଯାଏ ସିଏ,
ଘରେ ତାର ଘୋଡ଼ା ଗାଡ଼ୀ ନାହିଁ
ଦେଖେନା ଦିବା ମିଥ୍ୟା ସ୍ଵପ୍ନ

ଚେଷ୍ଟିତ ସଦା ଉନ୍ନତି ପାଇଁ
କରେ ନାନା ଯତ୍ନ !