ଟାଉଟର ଶବ୍ଦ କ’ଣ ଓଡ଼ିଆ ଦେଶଜ ନା ଏକ ଵୈଦେଶିକ ଶବ୍ଦ ?

ଆଜିକାଲି ଓଡ଼ିଶାରେ ‘ଟାଉଟର’ ଶବ୍ଦ କେତେକ ଅଞ୍ଚଳର କଥିତ ଓଡ଼ିଆ ଭାଷାରେ ଚଳୁଅଛି । ସାଧାରଣତଃ ଏହା ଗାଳୀ ଦେଵା ସମୟରେ ଵ୍ଯଵହୃତ ହୋଇଥାଏ । ଏ ଶବ୍ଦ ପ୍ରକୃତରେ ଵୈଦେଶିକ ଶବ୍ଦ ଅଟେ । ଟାଉଟର ଶବ୍ଦଟି ଇଂରାଜୀରୁ ସିଧାସଳଖ ନିଆଯାଇଛି । 

ଇଂରାଜୀର Touter ଶବ୍ଦ ହିଁ ପୂର୍ଵଭାରତରେ 

ଟାଉଟର୍ ଭାଵେ ପ୍ରଚଳିତ । 

ତେଵେ ଇଂରାଜୀ ଟାଉଟର ଶବ୍ଦର ଅର୍ଥ ହେଉଛି ଦଲାଲ ଵା ମାମଲତକାର । ଯିଏ ମଧ୍ଯସ୍ଥତା କରି ସ୍ଵାର୍ଥ ଲାଭ କରେ ତାକୁ ଦଲାଲ କୁହନ୍ତି ‌। ଟାଉଟର ଭଳି ମାମଲତକାର,ଦଲାଲ ମଧ୍ୟ ଵୈଦେଶିକ ଶବ୍ଦ ଏଵଂ ଭାରତରେ ଦଲାଲ,ବ୍ରୋକର୍ ଓ ଟାଉଟର ଆଦି ଶବ୍ଦ ପ୍ରାୟତଃ ଗାଳୀ ଅର୍ଥରେ ଵ୍ଯଵହୃତ ହୋଇଥାଏ । 

ଇଂରାଜୀ ଟାଉଟର ଶବ୍ଦର ମୂଳ tout ଅଟେ । 

Tout ଶବ୍ଦର ମୂଳ ରୂପ tōtian ଥିଲା ଯାହା toten ଓ toot ହୋଇ ଶେଷରେ toutରେ ପରିଣତ ହୋଇଛି । 

ପୂର୍ଣ୍ଣଚନ୍ଦ୍ର ଭାଷାକୋଷ ସମେତ ଅଧିକାଂଶ  ପୁରାତନ ଓଡ଼ିଆ ଅଭିଧାନରେ ଆମେ ଟାଉଟର ଶବ୍ଦ ଉଣ୍ଡିଲେ ପାଆନ୍ତି ନାହିଁ । ତେଣୁ ସମ୍ଭଵତଃ ଏହା ଵିଂଶ ଶତାବ୍ଦୀରେ ଲୋକପ୍ରିୟ ହୋଇଥିଵା ଅନୁମାନ କରାଯାଏ । 

ସେ ଯାହା ବି ହେଉ ଆମ ପାଖରେ 

ଦଲାଲ,ମାମଲତକାର ,ବ୍ରୋକର୍ ଓ ଟାଉଟର 

ଅର୍ଥରେ ଅନେକ ପ୍ରତିଶବ୍ଦ ରହିଛି 

ଯଥା—

୧)ନିଯୋଗୀ

୨)ମଧ୍ଯସ୍ଥ

୩)ଦଣ୍ଡିକାର/ଦଣ୍ଡିଦାର(ଵୈ)

୪)ଆଡ଼ତିଅ/ଆଡ଼ତଦାର୍(ଵୈ)

୫)ଦଣ୍ଡିଆ

୬)ସମ୍ପ୍ରଯୋଜକ

୭)ଘଟକ/ଖଟକ

୮)ତ୍ର୍ଯକ୍ଷର(ଵିଵାହ ମଧ୍ଯସ୍ଥ)

୯)ଭଲଲୋକ(ଵିଵାହ ମଧ୍ଯସ୍ଥ)

୧୦)ଯୋଟକ

ଇତ୍ୟାଦି...

ତେଵେ ଆପଣଙ୍କ ଅଞ୍ଚଳରେ ଦଲାଲ ଓ ଟାଉଟର ପାଇଁ ଅନ୍ଯ କୌଣସି ଚଳୁଥିଲେ ଜଣାଇଵାକୁ ଅନୁରୋଧ ।