•ହିମାଳୟ ପର୍ଵତମାଳା ଗଠନର ସତ୍ୟ କାହାଣୀ(ଵ୍ୟଙ୍ଗ୍ୟ)•

ଏହି କଥା ଆପଣଙ୍କୁ ଅନ୍ଧଭକ୍ତମାନେ କେବେ କହିବେ ନାହିଁ ଯେ ହିମାଳୟ, ତହିଁରୁ ନିମ୍ନକୁ ବହି ଯାଇଥିଵା ନଦୀଗୁଡ଼ିକ ଏଵଂ ତିନି ସମୁଦ୍ରର ସୃଷ୍ଟି ଜବାହରଲାଲ ନେହେରୁ ନିଜେ କରାଇଥିଲେ। ଏହି ସୂଚନା ମୁଁ ଜାତୀୟ ଅଭିଲେଖାଗାରରୁ ପାଇଛି, ଏଵଂ ଏହା ଗୋଦି ମିଡିଆ କେବେ ବି ଆପଣଙ୍କୁ କହିଵ ନାହିଁ।

 ପୂର୍ଵକାଳର ଲୋକଙ୍କଠାରୁ ଶୁଣାଯାଏ ଯେ ୧୯୪୭ ପୂର୍ଵରୁ ପ୍ରଵଳ ଶୀତ ହେଉଥିଲା ଏଵଂ ଇଂରେଜମାନଙ୍କ ପାଇଁ ସେହି ପରିଵେଶ ଅନୁକୂଳ ଥିଲା। କିନ୍ତୁ ଇଂରେଜମାନଙ୍କ ସହ ଲଢ଼ୁଥିଵା ନେହେରୁଙ୍କୁ ଏହା ଆଦୌ ଭଲ ଲାଗୁନଥିଲା । ତାଙ୍କ ଦେଶଵାସୀ ଥଣ୍ଡାରେ ମରିଯାଆନ୍ତୁ ବୋଲି ସେ ଆଦୌ ଚାହୁଁ ନଥିଲେ ।

ସ୍ୱାଧୀନତା ମିଳିଵା ପରେ ପଣ୍ଡିତ ନେହେରୁ ମିଶରରୁ ପିରାମିଡ୍ ତିଆରି କରିଥିଵା କାରିଗରମାନଙ୍କୁ ଡକାଇ ହିମାଳୟ ତିଆରି କରିଵା କାମର ଠିକା ଦେଲେ। ତହୁଁ ପ୍ରଥମ ପଞ୍ଚଵର୍ଷୀୟ ଯୋଜନାରେ ଅଫଗାନିସ୍ତାନଠାରୁ ଆରୁଣାଚଳ ପ୍ରଦେଶ ପର୍ଯ୍ୟନ୍ତ ଉଚ୍ଚ ଉଚ୍ଚ ପର୍ଵତମାନ ଗଢ଼ାଗଲା । ସେହି ପର୍ଵତମାଳାକୁ ଆଜି ଆମ୍ଭେମାନେ ହିମାଳୟ ବୋଲି କୁହୁଅଛୁ। କିନ୍ତୁ ଏହି ସତ୍ୟ ଇତିହାସ ଆପଣଙ୍କୁ ଅନ୍ଧଭକ୍ତମାନେ କେବେହେଲେ ବି କହିବେ ନାହିଁ।

ହିମାଳୟ ପର୍ଵତମାଳାର ପର୍ଵତଗୁଡ଼ିକୁ ଗଢ଼ିଵା ପାଇଁ ଦକ୍ଷିଣ ଭାରତରୁ ମାଟି, ବାଲି ଓ ପଥର ଖୋଳି ଉତ୍ତର ଆଡ଼କୁ ନିଆଯାଇଥିଲା,ଫଳରେ ସେଠାରେ ବଡ଼ ବଡ଼ ଗାଡ଼ମାନ ସୃଷ୍ଟି ହୋଇଗଲା।

ହିମାଳୟ ପର୍ଵତମାଳାର ପର୍ଵତଗୁଡ଼ିକ ଅତ୍ୟଧିକ ଉଚ୍ଚ ହୋଇଯିଵାରୁ ସାଇବେରିଆରୁ ଆସୁଥିବା ଶୀତଳ ପଵନ ଭାରତକୁ ଆଉ ଆସି ପାରିଲା ନାହିଁ ଏଵଂ ୟେ ଦେଶର ଲୋକମାନେ ଥଣ୍ଡାରୁ ରକ୍ଷା ପାଇଲେ। ହିମାଳୟ ଗଢ଼ା ଯିଵାରୁ ଦେଶରେ ଵର୍ଷାର ପରିମାଣ ମଧ୍ୟ ବଢ଼ିଲା । ଏତେ ଫଳମୂଳ ପନିପରିବା ହେଲା ଯେ ଦେଶର ଲୋକେ ପେଟ ଫଟେଇ ଖାଇଲେ ଆଉ ତାପରେ ଗଦେ ଗଦେ ଛୁଆ ବେଇ ପକେଇଲେ । ହଠାତ୍ ସତୁରୀ ଵର୍ଷ ମଧ୍ୟରେ ଜନସଂଖ୍ୟା ତେଣୁ ୩୫ କୋଟିରୁ ୧୫୦ କୋଟି ହୋଇଗଲା । ନେହେରୁ ଲୋକଙ୍କ ହିତରେ ହିମାଳୟ ପର୍ଵତମାଳା ଗଢ଼ାଇଥିଲେ କିନ୍ତୁ ବିଜେପି ଓ RRSବାଲା ନିଜର ଵୋଟ୍ ବ୍ୟାଙ୍କ୍ ବଢ଼ାଇଵା ପାଇଁ ଲୋକଙ୍କୁ ଚାରିଟା ପାଞ୍ଚଟା ଲେଖାଏଁ ଛୁଆ ଜନ୍ମ କରିଵାକୁ କହିଲେ । ଫଳତଃ ଗେରୁଆବାଲାଙ୍କ ସେହି ପ୍ରଚାର ଯୋଗୁଁ ଛୁଆଙ୍କ ସଂଖ୍ୟା ଅଧିକ ହେଲା ତେଣୁ ଆଜି ଦେଶରେ ଏତେ ଅନ୍ଧଭକ୍ତ ହୋଇଯାଇଛନ୍ତି । 

ତେବେ ହିମାଳୟ ପର୍ଵତମାଳା ଗଢ଼ାଯିଵାର ମାତ୍ର ଗୋଟିଏ ଵର୍ଷ ମଧ୍ୟରେ ସେଠାକାର ପର୍ଵତଗୁଡ଼ିକରେ ଭାରି ପରିମାଣରେ ବରଫ ଜମିଗଲା ଏଵଂ ଗ୍ରୀଷ୍ମକାଳରେ ସେଠାରୁ ଗଙ୍ଗା, ଯମୁନା, ବ୍ରହ୍ମପୁତ୍ର, ସିନ୍ଧୁ, ଝେଲମ୍, ଚିନାବ୍, ରାଵି, ସତଲଜ୍ ଇତ୍ୟାଦି ଅନେକ ନଦୀ ତଳ ଆଡ଼କୁ ପ୍ରଵାହିତ ହେଲେ । 

ହିମାଳୟର ଦକ୍ଷିଣ ଭାଗରୁ ନିମ୍ନକୁ ପ୍ରଵାହିତ ସମସ୍ତ ନଦୀ ହିମାଳୟ ତିଆରି ପାଇଁ ଖୋଳାଯାଇଥିଵା ଗାଡ଼ଗୁଡ଼ିକୁ ଜଳରେ ପୂରଣ କରିଦେଲେ । ସେହି ଗାଡ଼ଗୁଡ଼ିକୁ ଆଜି ଜଗତ ଭାରତ ମହାସାଗର, ସିନ୍ଧୁସାଗର ଓ ମହୋଦଧି ନାମରେ ଜାଣେ । 

ସେ ସମୟରେ କେତେକ କଂଗ୍ରେସୀ ନେହେରୁଙ୍କୁ ଅନୁରୋଧ କରିକହିଥିଲେ ଯେ ତିନି ସମୁଦ୍ରର ନାମ ନେହେରୁ ମହାସାଗର, ମୋତି ସାଗର ଓ କମଳା ସାଗର ରଖାଯାଉ ଏଵଂ ହିମାଳୟର ନାମ ଇନ୍ଦିରା ପର୍ଵତମାଳା କରାଯାଉ। କିନ୍ତୁ ନେହେରୁଙ୍କର ନାମ ପ୍ରତିଷ୍ଠାର ଲୋଭ ଆଦୌ ନଥିଲା, ସେ ସଫା ସଫା ମନା କରିଦେଲେ। ଅସ୍ତୁ ବହୁତ ଅନୁରୋଧ ପରେ ସେ କେଵଳ ଭାରତ ରତ୍ନ ନେଵାକୁ ମାତ୍ର ସ୍ୱୀକାର କଲେ।

ଆଜିକାଲିର ମୂର୍ଖ ଅନ୍ଧଭକ୍ତମାନେ ହିମାଳୟରୁ ଗଡ଼ି ଆସୁଥିଵା ନଦୀଗୁଡ଼ିକର ପାଣି ପିଇ ପିଇ ନେହେରୁ ଓ କଂଗ୍ରେସକୁ ଗାଳି ଦେଉଛନ୍ତି ଯେ ସେମାନେ କିଛି କରିନାହାନ୍ତି। ଟିକେ ତ ଶରମ କର ଅଲାଜୁକିଆ ନାଉଁକା ନାଁବଜା ଅନ୍ଧଭକ୍ତଦଳ ! 

•••••••••••••••••••••••••••••

ମୂଳ ଵ୍ୟଙ୍ଗ୍ୟ ML Gurjar Lachipura ମହାଶୟ ଲେଖିଛନ୍ତି । ତେବେ ଅନେକ Sarcasm-blind ଵା ଵ୍ୟଙ୍ଗ୍ୟାନ୍ଧ ଲୋକ ଏହାର ପ୍ରକୃତ ଭାଵାର୍ଥ ବୁଝିପାରିବେ ନାହିଁ ତେଣୁ ତାହା ନିମ୍ନରେ ପ୍ରଦତ୍ତ ହେଲା । 

ମୂଳ ଲେଖକ ଗୁପ୍ତ ଅର୍ଥରେ କ’ଣ ଲେଖିଛନ୍ତି ବୁଝନ୍ତୁ:

କ—> “ପୂର୍ଵକାଳର ଲୋକଙ୍କଠାରୁ ଶୁଣାଯାଏ ଯେ ୧୯୪୭ ପୂର୍ଵରୁ ପ୍ରଵଳ ଶୀତ ହେଉଥିଲା ଏଵଂ ଇଂରେଜମାନଙ୍କ ପାଇଁ ସେହି ପରିଵେଶ ଅନୁକୂଳ ଥିଲା। କିନ୍ତୁ ନେହେରୁ ଚାହୁଁନଥିଲେ ଯେ ଦେଶଵାସୀ ସେହି ଶୀତରେ ମରିଯାଆନ୍ତୁ ।”

ଏଠାରେ ଲେଖକ କହୁଛନ୍ତି ଯେ ୧୯୪୭ ପୂର୍ଵରୁ ଦଙ୍ଗା ହେଉଥିଲା ଏଵଂ ଏ ଦଙ୍ଗା ପଛରେ ଇଂରେଜମାନଙ୍କ କୁଟନୀତି ଥିଲା । ହିନ୍ଦୁ ମୁସଲିମ୍ ଲଢ଼ିଲେ ଦେଶର ଏକତା ରହିଵ ନାହିଁ ଯାହା ଇଂରେଜମାନଙ୍କ ପାଇଁ ଅନୁକୂଳ କଥା। ନେହେରୁଙ୍କ ଭଳି ନେତାଏ ଚାହୁଁନଥିଲେ ଯେ ହିନ୍ଦୁମାନେ ସଂଗଠିତ ହୋଇ ପଠାଣଙ୍କ ବଂଶ ଲୋପ କରି ଦିଅନ୍ତୁ ତେଣୁ ସେମାନେ ଭାରତ ଵିଭାଜନ କରେଇ ଦେଲେ । 

ଖ—>

“ସ୍ୱାଧୀନତା ମିଳିଵା ପରେ ପଣ୍ଡିତ ନେହେରୁ ମିଶରରୁ ପିରାମିଡ୍ ତିଆରି କରିଥିଵା କାରିଗରମାନଙ୍କୁ ଡକାଇ ହିମାଳୟ ତିଆରି କରିଵା କାମର ଠିକା ଦେଲେ। ତହୁଁ ପ୍ରଥମ ପଞ୍ଚଵର୍ଷୀୟ ଯୋଜନାରେ ଅଫଗାନିସ୍ତାନଠାରୁ ଆରୁଣାଚଳ ପ୍ରଦେଶ ପର୍ଯ୍ୟନ୍ତ ଉଚ୍ଚ ଉଚ୍ଚ ପର୍ଵତମାନ ଗଢ଼ାଗଲା । ସେହି ପର୍ଵତମାଳାକୁ ଆଜି ଆମ୍ଭେମାନେ ହିମାଳୟ ବୋଲି କୁହୁଅଛୁ।”

ଭାରତର ସ୍ଵାଧୀନତା ଲାଭ ପରେ ଦେଶକୁ ତାହାର ମୂଳ ସାଂସ୍କୃତିକ ପରିଚୟ ସହିତ ଜଡ଼ିତ ନକରି ଵିଦେଶୀ ସଂସ୍କୃତିକୁ ମହତ୍ତ୍ୱ ଦିଆଗଲା । ସେ ସମୟର ଶାସକ ନେହେରୁ ଥିଲେ ତେଣୁ ଏଠାରେ ତାଙ୍କ ନାଆଁ ନେଇ ପରୋକ୍ଷରେ ତତ୍କାଳୀନ ଦୂରଦୃଷ୍ଟିହୀନ ସରକାରକୁ ଵ୍ୟଙ୍ଗ୍ୟ କରାଯାଇଛି । 

ଆଫଗାନିସ୍ତାନ ଠାରୁ ଅରୁଣାଚଳ ପ୍ରଦେଶ ପର୍ଯ୍ୟନ୍ତ ଵ୍ୟାପ୍ତ ହିମାଳୟ ପର୍ଵତମାଳାର ଏକ ବଡ଼ ଅଂଶ ଚୀନ ଅକ୍ତିଆର କରି ନେଲା । ତିବ୍ବତକୁ ମଧ୍ୟ ଚୀନ ପରାଧୀନ କରିଦେଲା । ଏସବୁ ନେହେରୁଙ୍କ ପଞ୍ଚଶୀଳ ନୀତି ଯୋଗୁଁ ହେଲା । ଏଠାରେ ଲେଖକ ପଞ୍ଚଶୀଳ ନୀତିକୁ ପରୋକ୍ଷରେ ପ୍ରଥମ ପଞ୍ଚଵର୍ଷୀୟ ଯୋଜନା ରୂପେ ଚିତ୍ରଣ କରିଛନ୍ତି । ପିରାମିଡ୍ ଗଢ଼ୁଥିଵା ଵିଦେଶୀ ଅର୍ଥାତ୍ ଚୀନାଙ୍କ ଦ୍ଵାରା ନେହେରୁ ହିମାଳୟ ଗଢ଼ାଇଲେର ଅର୍ଥ ହେଲା ହିମାଳୟର ନକ୍ସା ହିଁ ବଦଳାଇ ଦେଲେ । ତିବ୍ବତର ସ୍ଵାଭିମାନ ଚାଲିଗଲା,ଭାରତର ବଡ଼ ଭୂଭାଗ ଚୀନ ନେଇଗଲା ‌।

ଗ—> "ହିମାଳୟ ପର୍ଵତମାଳାର ପର୍ଵତଗୁଡ଼ିକୁ ଗଢ଼ିଵା ପାଇଁ ଦକ୍ଷିଣ ଭାରତରୁ ମାଟି, ବାଲି ଓ ପଥର ଖୋଳି ଉତ୍ତର ଆଡ଼କୁ ନିଆଯାଇଥିଲା,ଫଳରେ ସେଠାରେ ବଡ଼ ବଡ଼ ଗାଡ଼ମାନ ସୃଷ୍ଟି ହୋଇଗଲା।" 

ଭାରତର ସ୍ଵାଧୀନତା ପରେ ପରେ ଭାରତର କେତେକ ଅଞ୍ଚଳରେ ଵିକାଶ ଅନ୍ୟ ଅଞ୍ଚଳ ଅପେକ୍ଷା ହୋଇ ପାରି ନଥିଲା । ତନ୍ମଧ୍ୟରୁ ଦକ୍ଷିଣ ଭାରତ ଅନ୍ୟତମ ଥିଲା । ଦକ୍ଷିଣ ଭାରତରୁ ଗାଡ଼ ଖୋଳି ଉତ୍ତର ଭାରତକୁ ଆଣିଵାର ଅର୍ଥ ଦକ୍ଷିଣ ଭାରତର ଖଣିଜ ଓ ଶ୍ରମିକ ଆଦି ସଂସାଧନ ଉତ୍ତର ଭାରତକୁ ଆସିଵା ଅଟେ । ପରେ ଦକ୍ଷିଣ ଭାରତରେ ସ୍ଥାନୀୟ ଦଳଗୁଡ଼ିକ ବହୁ ଦଶନ୍ଧି ଧରି ଶାସନ କରିଵାରୁ ଏହି ଗତି ଅଧୁନା ଓଲଟା ହୋଇଅଛି । ତେବେ ପ୍ରାରମ୍ଭରେ ଉତ୍ତର, ପଶ୍ଚିମରେ ଅଧିକାଂଶ କଳ କାରଖାନା ଥିଲା । 

ଘ—>“ହିମାଳୟ ପର୍ଵତମାଳାର ପର୍ଵତଗୁଡ଼ିକ ଅତ୍ୟଧିକ ଉଚ୍ଚ ହୋଇଯିଵାରୁ ସାଇବେରିଆରୁ ଆସୁଥିବା ଶୀତଳ ପଵନ ଭାରତକୁ ଆଉ ଆସି ପାରିଲା ନାହିଁ ଏଵଂ ୟେ ଦେଶର ଲୋକମାନେ ଥଣ୍ଡାରୁ ରକ୍ଷା ପାଇଲେ। ହିମାଳୟ ଗଢ଼ା ଯିଵାରୁ ଦେଶରେ ଵର୍ଷାର ପରିମାଣ ମଧ୍ୟ ବଢ଼ିଲା । ଏତେ ଫଳମୂଳ ପନିପରିବା ହେଲା ଯେ ଦେଶର ଲୋକେ ପେଟ ଫଟେଇ ଖାଇଲେ ଆଉ ତାପରେ ଗଦେ ଗଦେ ଛୁଆ ବେଇ ପକେଇଲେ । ହଠାତ୍ ସତୁରୀ ଵର୍ଷ ମଧ୍ୟରେ ଜନସଂଖ୍ୟା ତେଣୁ ୩୫ କୋଟିରୁ ୧୫୦ କୋଟି ହୋଇଗଲା । ନେହେରୁ ଲୋକଙ୍କ ହିତରେ ହିମାଳୟ ପର୍ଵତମାଳା ଗଢ଼ାଇଥିଲେ କିନ୍ତୁ ବିଜେପି ଓ RRSବାଲା ନିଜର ଵୋଟ୍ ବ୍ୟାଙ୍କ୍ ବଢ଼ାଇଵା ପାଇଁ ଲୋକଙ୍କୁ ଚାରିଟା ପାଞ୍ଚଟା ଲେଖାଏଁ ଛୁଆ ଜନ୍ମ କରିଵାକୁ କହିଲେ । ଫଳତଃ ଗେରୁଆବାଲାଙ୍କ ସେହି ପ୍ରଚାର ଯୋଗୁଁ ଛୁଆଙ୍କ ସଂଖ୍ୟା ଅଧିକ ହେଲା...”

ଏଠାରେ ଲେଖକ କହୁଛନ୍ତି ଯେ ଅନେକ ଶତ ଵର୍ଷର ପରାଧୀନତା ପରେ ଯେତେବେଳେ ଭାରତୀୟମାନେ ସ୍ଵାଧୀନତା ପାଇଲେ ସେମାନଙ୍କର ଧନ,ଉତ୍ସାହ ସବୁ ବଢ଼ିଲା ତେଣୁ ବଂଶ ବୃଦ୍ଧି ବି ହେଲା । କଂଗ୍ରେସ ସରକାରର ଖାମଖିଆଲି ମନୋଭାବ ଯୋଗୁଁ ଜନସଂଖ୍ୟା ନିୟନ୍ତ୍ରଣ ହୋଇପାରିଲା ନାହିଁ ବୋଲି ଲେଖକ ଏଠି ଵ୍ୟଙ୍ଗ୍ୟ କରିଛନ୍ତି ଏଵଂ ଯେଉଁ କଂଗ୍ରେସିଆମାନେ ବିଦେପି RRSକୁ ଜନସଂଖ୍ୟା ବଢ଼ିଵା ପାଇଁ ଦାୟୀ କରନ୍ତି ସେମାନଙ୍କୁ ଏକ ପ୍ରକାରର ଚିଡ଼ାଇଛନ୍ତି ।

ଙ—>ତେବେ ହିମାଳୟ ପର୍ଵତମାଳା ଗଢ଼ାଯିଵାର ମାତ୍ର ଗୋଟିଏ ଵର୍ଷ ମଧ୍ୟରେ ସେଠାକାର ପର୍ଵତଗୁଡ଼ିକରେ ଭାରି ପରିମାଣରେ ବରଫ ଜମିଗଲା ଏଵଂ ଗ୍ରୀଷ୍ମକାଳରେ ସେଠାରୁ ଗଙ୍ଗା, ଯମୁନା, ବ୍ରହ୍ମପୁତ୍ର, ସିନ୍ଧୁ, ଝେଲମ୍, ଚିନାବ୍, ରାଵି, ସତଲଜ୍ ଇତ୍ୟାଦି ଅନେକ ନଦୀ ତଳ ଆଡ଼କୁ ପ୍ରଵାହିତ ହେଲେ ।

ପରଵର୍ତ୍ତୀ କାଳରେ ଉତ୍ତର ଭାରତରେ ତଥା ଭାରତର ଅନ୍ୟାନ୍ୟ ଅଞ୍ଚଳରେ କେତେକ କଳ କାରଖାନାଗୁଡି଼କ ବନ୍ଦ ହେଲା କାରଣ ଅତି ସ୍ଵାଧୀନତା ମିଳିଵାରୁ ଭ୍ରଷ୍ଟାଚାର ଓ ଅନ୍ୟାନ୍ୟ କୁକର୍ମ ବଢ଼ିଲା । ସୈନିକ ଆନ୍ଦୋଳନ, ସରକାରୀ ପ୍ରୋତ୍ସାହନ ଅଭାଵରୁ ଏପଟେ କଳ କାରଖାନା ବନ୍ଦ ହେଲାବେଳେ ପଶ୍ଚିମ ଓ ଦକ୍ଷିଣ ଭାରତର କେତେକ ଅଞ୍ଚଳରେ କଳ କାରଖାନା ଅଧିକରୁ ଅଧିକ ସଂଖ୍ୟକ ଖୋଲିଵାକୁ ଲାଗିଲା । ତେଣୁ ଲୋକେ ସେହି ଅଞ୍ଚଳକୁ କାମ କରିଵାକୁ ଗଲେ । 

ଚ—>ସେ ସମୟରେ କେତେକ କଂଗ୍ରେସୀ ନେହେରୁଙ୍କୁ ଅନୁରୋଧ କରିକହିଥିଲେ ଯେ ତିନି ସମୁଦ୍ରର ନାମ ନେହେରୁ ମହାସାଗର, ମୋତି ସାଗର ଓ କମଳା ସାଗର ରଖାଯାଉ ଏଵଂ ହିମାଳୟର ନାମ ଇନ୍ଦିରା ପର୍ଵତମାଳା କରାଯାଉ। କିନ୍ତୁ ନେହେରୁଙ୍କର ନାମ ପ୍ରତିଷ୍ଠାର ଲୋଭ ଆଦୌ ନଥିଲା, ସେ ସଫା ସଫା ମନା କରିଦେଲେ। ଅସ୍ତୁ ବହୁତ ଅନୁରୋଧ ପରେ ସେ କେଵଳ ଭାରତ ରତ୍ନ ନେଵାକୁ ମାତ୍ର ସ୍ୱୀକାର କଲେ।

ଏଠାରେ ଲେଖକ କଂଗ୍ରେସୀଙ୍କର ନାମ ପ୍ରତିଷ୍ଠାର ଲୋଭକୁ ଵ୍ୟଙ୍ଗ୍ୟ କରି ଲେଖିଛନ୍ତି । ଭାରତରେ ଯେତେ ଯୋଜନା ହେଲା, ପ୍ରତିଷ୍ଠାନ ହେଲା ଖେଳ ପଡି଼ଆ ହେଲା ସେସବୁର ନାଆଁ ଗାନ୍ଧୀ ନେହେରୁ ପରିଵାରର ନାଆଁରେ ହେଲା । ନେହେରୁ ମଧ୍ୟ ନିଜକୁ ନିଜେ କେମିତି ଭାରତ ରତ୍ନ ଦେଇଥିଲେ ସେକଥା ଲେଖକ ଵ୍ୟଙ୍ଗ୍ୟାତ୍ମକ ଶୈଳୀରେ ଲେଖିଛନ୍ତି । 

••••••••••••×ו•••••••×ו••••••••••••