କାଲିଫର୍ଣ୍ଣିଆ ର ସୁମାସ ଜନଜାତୀୟ ଲୋକଙ୍କ
ମଧ୍ୟରେ ଏକ ଜନସୃତି ଅଛି ।
ସେଠାର ସ୍ଥାନୀୟ ଅଧିବାସୀ କୁହନ୍ତି
ବହୁତ ବହୁତ ବର୍ଷ ତଳେ
ସେମାନଙ୍କ ପୂର୍ବଜ ଦ୍ବୀପବାସୀ ଥିଲେ ।
ସେମାନେ ସେହି ଦ୍ବୀପରେ
ଅନେକ ଅସୁବିଧା ର ସମ୍ମୁଖୀନ ହେଲାରୁ
ତାଙ୍କ ଆରାଧ୍ୟ ଦେବୀ ତାଙ୍କୁ
ମୂଳ ଭୂଖଣ୍ଡ କୁ ଚାଲିଯିବାକୁ ନିର୍ଦ୍ଦେଶ ଦେଲେ ।
ଏତେ ବଡ଼ ସାଗରକୁ ମଣିଷ ମାନେ ବା କାହୁଁ
ଲଙ୍ଗିପାରିବେ
ତେଣୁ ଦେବୀ ନିଜେ ସେମାନଙ୍କ ପାଇଁ ଇନ୍ଦ୍ରରନୁରେ ଗୋଟିଏ ପୋଲ ଗଢିଦେଲେ ।
ସମସ୍ତେ ନୂଆ ଭୂଖଣ୍ଡ କୁ ଯିବା ପାଇଁ ଉତ୍କଣ୍ଠିତ ଥିଲେ ।
ତାଙ୍କ ପିଲାଏ ନାଚିକୁଦି
ଆନନ୍ଦ ଉପଭୋଗ କରୁଥାନ୍ତି ।
ପୋଲ ତିଆରି ହୋଇଗଲାରୁ
ସେ ଦୁଷ୍ଟ ପିଲାଏ ଆଗ ସେ ପୋଲରେ ଚଢିଗଲେ ଆଉ ନାଚି ନାଚି ଆଗକୁ ଆହୁରି
ଆଗକୁ ଚାଲିଲେ ।
ତାଙ୍କ ପଛେ ପଛେ ତାଙ୍କ ଅବିଭାବକ ମାନେ
ଚାଲିଲେ ।
ଧିରେ ଧିରେ ପିଲାଏ ଆହୁରି ଅଧିକ ଦୁଷ୍ଟ ହେଲେ
ଏତେ ଦୁଷ୍ଟ ହେଲେ ଯେ ପରସ୍ପରକୁ ଠେଲାପେଲା ର ବିପଦଜନକ ଖେଳ ଖେଳିବାକୁ ଲାଗିଲେ ।
ସେ ଯୁଗରେ ମାତାପିତା ପିଲାଙ୍କୁ ଆକଟ କରୁନଥିଲେ ଏଣୁ ପିଲାଏ
ଆହୁରି ଉଦ୍ଧତ ହେଲେ ।
ପିଲାମାନେ ବେଶୀ ଦୁଷ୍ଟାମୀ କଲାରୁ
ପରସ୍ପର ରେ ଠେଲାପେଲା ହୋଇ ସମୁଦ୍ରରେ
ପଡିବାକୁ ଲାଗିଲେ ....
ହେଲେ
ସେମାନଙ୍କୁ ବଞ୍ଚେଇବାକୁ
କେହି ବି ବଡ଼ ଲୋକ ଆଗକୁ ଆସିଲେନି
କାରଣ ସେମାନେ ଡରି ଯାଇଥିଲେ କି କାଳେ
ଏମିତି କଲେ ଦେବୀ ତାଙ୍କ ଉପରେ ରୁଷ୍ଟ ହୋଇଯିବେ ।
କିନ୍ତୁ
ଦେବୀ ହୁତାସ୍ ପିଲାମାନଙ୍କୁ ବଞ୍ଚାଇ ଦେଲେ ।
ପିଲାଙ୍କ ଏଇଭଳି ଖେଳକୁଦ ତାଙ୍କ ମନକୁ
ପାଇଗଲା ।
ତେଣୁ
ଯେଉଁ ସମୟରେ ପିଲାଏ
ପାଣିରେ ପଡି଼ଲେ
ଦେବୀ ହୁତାସ୍ ସେମାନଙ୍କୁ
ଡଲଫିନ୍ କରିଦେଲେ କାରଣ ଦେବୀ ଚାହୁଁଥିଲେ ପିଲାମାନେ ଏଇମିତି ଖେଳୁଥାନ୍ତୁ
ନିର୍ବିକାର ଚିତ୍ତରେ .....
No comments:
Post a Comment