● ଯେଉଁମାନେ ଏକଦା ମୋର ନିନ୍ଦା ଓ ଉପହାସ କରି ବଡ଼ ହେଇଯାଉଥିଲେ ସେଇମାନେ ଏଵେ ମୋ ଦର୍ଶନ କରିଛନ୍ତି କହି ବଡ଼ ହେଵାକୁ ଚେଷ୍ଟା କରୁଛନ୍ତି
●କ୍ରୋଧ ବଡ଼ ମୂଲ୍ଯଵାନ ଓ ଉପାଦେୟ ଅସ୍ତ୍ର । ମାଛିଙ୍କ ଉପରେ ତାହାର ଵୃଥା ପ୍ରୟୋଗ ସର୍ଵଥା ଅନୁଚିତ ଅଟଇ ।
●ସଚେଷ୍ଟ ଵ୍ଯକ୍ତି ମଲାଯାଏଁ ଶିଖିଵା,ଶିକ୍ଷା କରିଵା ଛାଡେ଼ନାହିଁ । ଯେଉଁମାନେ ଶିଖିଵା ଵୟସରେ ହିଁ ଶିଖିଵା ଛାଡି଼ଦିଅନ୍ତି ସେମାନେ ମୂର୍ଖତା ଓ ଅହଙ୍କାରଯୁକ୍ତ ଦୟନୀୟ ଜୀଵ ପାଲଟିଯାଆନ୍ତି ।
●ଥରେ ମୁଁ କୋଉଠି ଲେଖିଥିଲି ଆତ୍ମଵିଶ୍ଵାସ ଅନେକ ପ୍ରକାରର ହୋଇପାରେ । ଧନର,ଵଳର ,ଜ୍ଞାନର କିନ୍ତୁ ସବୁଠାରୁ ଭୀଷଣ ଆତ୍ମଵିଶ୍ଵାସ ମୂର୍ଖାଣ୍ଡିଆପଣର ହୋଇଥାଏ ।
●ଶିଖିଵା ତ ଜୀଵନର ଶେଷ କ୍ଷଣଯାଏଁ ସରେ ନାହିଁ । କିନ୍ତୁ ଵୟସର ଏମିତି ଏକ ସ୍ଥିତି ଆସେ ଯେତେଵେଳେ ଶିଖେଇଲା ଲୋକେ ପ୍ରତି ଚିଡ଼ ଆସିଯାଏ ।
●ଦୁଇ ପ୍ରକାରର ମାନସିକ ରୋଗ ଦେଖାଯାଏ । ଗୋଟେ ହେଲା sadism ଏଥିରେ ଅନ୍ଯକୁ ଦୁଃଖ ଯାତନା ଦେଇ ଲୋକ ଯହ ସୁଖ ଲଭନ୍ତି । ଆଉ ଗୋଟାଏ ମାନସିକ ରୋଗ ହେଉଛି masochism ଏଥିରେ ନିଜକୁ ସ୍ଵୟଂ ଦୁଃଖ ଦେଇ ତହିଁର ବହେ ଧେଣ୍ଡୁରା ପିଟି ପ୍ରଚାର କରନ୍ତି ଆଉ ତହିଁରୁ ପରମ ମାନସିକ ସୁଖ ଭୋଗନ୍ତି ।
●ଏହା ସତ୍ୟ ଯେ ସୃଜନର ଆନ୍ତରିକ ପୀଡା଼ ବଡ଼ ଵିକଟ କିନ୍ତୁ ପଦ୍ଯମୟ ପ୍ରଣୟଵାଦୀ ଵିଷପାନ ? ଏହା ପୀଡା଼ଦାୟକ କିନ୍ତୁ ନିତାନ୍ତ ହାସ୍ୟାସ୍ପଦ । ଆପଣଙ୍କୁ କିଏ କହିଥିଲା ମେଚ୍ଛ ଦାଢି଼ ବଢା଼ନ୍ତୁ,ବାଳ ଛାଡ଼ନ୍ତୁ,ଅଖିଆଅପିଆ ହେଇକିନା ଶୁକୁଟାକୁମାର ହୁଅନ୍ତୁ କି ଚିଡ଼ଚିଡା଼ ହେଇଯାଆନ୍ତୁ ? କାହା ପାଇଁ ? କାହା ପାଇଁ ଏତେ ଉପକାର ରୂପ ସୁନାକଳସୀ ଢାଳୁଛନ୍ତି ? ଆଉ ଆପଣ ସୃଜନ କ'ଣ କରୁଛନ୍ତି ?
"କଳାଵତୀ ସ୍ତ୍ରୀ ଏମିତି ଚିତ୍କାର କରୁଛି ସତେ ଯେମିତି ଗର୍ଭରୁ ଭୀମସେନକୁ ଭୂମିଷ୍ଠ କରୁଛି,କିନ୍ତୁ ବାହାରିଲା ପରେ ଜଣାପଡେ଼ ସେଇଟା ମୂଷାଛୁଆ" 😂😂😂
●ଗୃହସ୍ଥୀ ଜଞ୍ଜାଳ ମଧ୍ୟରେ ଵିଵେକର ଅର୍ଥ ହାନୀ-ଲାଭର ସୁମାରି କରି ନିଜ ସୁରକ୍ଷାକୁ ସୁନିଶ୍ଚିତ କଲାଭଳି ବୋଧଶକ୍ତି।
●ଵିକାଶଶୀଳ ଵ୍ଯକ୍ତି କ୍ଷେତ୍ରରେ ଧନର ଵ୍ଯଵସ୍ଥା କଲାପରେ ଯାଇ ତାହାର ଵିଵାହ ଠିକ୍ କରାଯାଏ ।
(ଵ୍ଯଙ୍ଗ୍ଯସମ୍ରାଟ ହରିଶଙ୍କର ପରସାଈଙ୍କ ହମ୍ ଇକ୍ ଉମ୍ର ସେ ୱାକିଫ଼୍ ହୈଁରୁ କେତେକ ଵାକ୍ୟର ଓଡ଼ିଆ ଭାଵାନୁଵାଦ)
No comments:
Post a Comment