ଜୟ ମାତଃ ସମଲାଈ ରତ୍ନକିରୀଟିନୀ,
କବରୀ ଶୋଭିତ ତୋର କେତକୀର ଦଳେ
ଶ୍ଵେତ ଶାନ୍ତ ରୂପେ ହେଉ ତ୍ରିଦଶ-ତଟିନୀ,
ଧବଳ କୁସୁମମାଳ ଲମ୍ବୁଥାଏ ଗଳେ ।
ଜବାପୁଷ୍ପ ଗଭା ମଧ୍ଧେ ହୀରକର ଭୂଷା,
ଚାହିଁ ମୋ ହୂଏ ଆଶା-ପଦ୍ମାକର,
ମଣି ତୋତେ ସଉଭାଗ୍ୟ ଦିନଶଂସୀ ଉଷା,
ନିକଟେ ଲଭିବ ବୋଲି ସୁଖ ଦିବାକର ।
ତୁହି ଭକ୍ତି ତୁହି ବୁଦ୍ଧି ତୁହି ସରସ୍ଵତୀ,
ତୁ ପ୍ରତିଭା ତୁହି ମାଗୋ ଲକ୍ଷ୍ମୀ ସ୍ଵରୂପିଣୀ,
ଜଗତ ଜନନୀ ତୁହି ଆଦ୍ୟା ଭଗବତୀ,
ସମ୍ପତ୍ତିଦାୟିନୀ ସର୍ବ ବିପଦ ନାଶିନୀ ।
ଜଗତରେ ଯାହା ଅଚ୍ଛି ସବୁ ତୋର ସିନା,
କି ଦେଇ ପୂଜିବି ପଦେ ପ୍ରେମ ଭକ୍ତି ବିନା ?
No comments:
Post a Comment