ପ୍ରେମ ଅନ୍ଧକୂପରେ ପଡ଼ିଲୁ ବୁଡ଼ିଲୁ,
ପ୍ରକୃତ ପଦାର୍ଥ କୁ ନ ଚିହ୍ନି ହୁଡି଼ଲୁ ।।ଘୋଷା।।
ପର ପ୍ରୀତି ପଥରେ ପାଦ ପ୍ରସାରି ଥରେ,
ପରମାଦରେ ପରମାଦରେ ପଡି଼ଲୁ ।।୧।।
ପାଇଲୁ ନାହିଁ କୁଳ, ପ୍ରାଣ ହେଲା ଆକୁଳ,
ପୀୟୂଷ ଭ୍ରମେ ବିଷ ଆଲୋଡି଼ ଲୋଡ଼ିଲୁ ।।୨।।
ପାତାଳ ଭେଦି କୂପ, ପାଷାଣଯୁପ-ରୂପ,
ପିପାଷା ଗଲା ନାହିଁ,ପଡି଼ଲୁ ପୋଡି଼ଲୁ ।।୩।।
ପ୍ରୟ ସଙ୍ଗତେ ଶ୍ରେୟ,ପାପରେ ହୁଏ ହେୟ,
ପରମତତ୍ତ୍ବ କୁ ଯା ହୁଡି଼ଲୁଁ ଛାଡି଼ଲୁ ।।୪।।
ପରମାନନ୍ଦେ ତ୍ୟଜି, ପାର୍ଥିବ ଭାବ ଭଜି,
ପାଶୋରି ସ୍ବରୂପ କୁ ପାପପଙ୍କେ ଗଡ଼ିଲୁ ।।୫।।
@ଶ୍ରୀରାଜନାରାୟଣଦାସ
No comments:
Post a Comment