ବିଧିବିଧାନ ପୂଣ୍ୟମୟ ,
ଗାଅ ହେ ସେହି ବିଧି ଜୟ ।
ମଙ୍ଗଳମୟ ସେ ବିଧାନ,
ମହିମା ତା’ର କର ଧ୍ଯାନ ।
କୋଟି ଭୂବନ ପାଦେ ଯା’ର,
ଆନନ୍ଦେ କରେ ହେ ଜୁହାର ।
ସେ ମହାବିଧି ବଳୀୟାର
ହେଜ ହେ ନରେ ବାରମ୍ବାର ।
ସେହି ତ ଧର୍ମ ସନାତନ,
ଧରି ରଖିଛି ଏ ଭୂବନ ।
ସେ ଧର୍ମପଥ ମଧୁମୟ,
ତାହାକୁ କର ହେ ଆଶ୍ରୟ ।
ଅଧର୍ମ ପଥ ପରିହରି
ଦୃଢ ବିଶ୍ଵାସ ହୃଦେ ଧରି,
ସମ୍ପଦେ ଅବା ବିପଦରେ
ଧର୍ମେ ନ ହୁଡ଼ କେବେ ନରେ ।
ଯେ ଜନ ଧର୍ମ ଆଚରଇ,
ଧନ୍ୟ ଧନ୍ୟ ସେ ପାପଜୟୀ ।
ଧନ୍ୟ ବିଧାନ ବିଧାତାର,
ତା ପାଦେ କୋଟି ନମସ୍କାର ।
@ଭକ୍ତ କବି ମଧୁସୂଦନ ରାଓ
No comments:
Post a Comment