(ତୋଡି଼ପରଜ-ଆଠତାଳୀ)
ପ୍ରାଣସୋଦର ହେ ଆସ ଆସ ସର୍ବେ ଭାଇ ।
ଡାକୁଛନ୍ତି ମାତା ଉତ୍କଳ ଜନନୀ
ଶ୍ରୀପଦେ ମିଳିବା ପାଇଁ ।
ସେ ଶ୍ରୀମୁଖବାଣୀ ଶୁଣ କର୍ଣ୍ଣ ଡେରି,
ଆସ ଆସ ସର୍ବେ ଧାଇଁ;
ଭାଇ ପାଶେ ଭାଇ ଉଭା ହୁଅ ଆସି
ମାତୃପାଦପଦ୍ମ ଧ୍ଯାଇ ।
କୋଟି ଶିର ଟେକି ମା ମା ବୋଲି ଡାକ
କୋଟି କଣ୍ଠକୁ ମିଳାଇ;
କଳହ ଜଞ୍ଜାଳ ଲାଜ ଭୟ ଦୁଃଖ
ଯାଉ ଯାଉ ହେ ପଳାଇ ।
ପ୍ରାଣର ବନ୍ଧନେ ଏକ ହୋଇ ସର୍ବେ
ଉତ୍କଳ କଲ୍ୟାଣ ପାଇଁ ;
ଏ ଶୁଭ ଲଗନେ ପୂଜ ଭକ୍ତି ଭରେ
ଶୁଭଦାତା ବିଶ୍ଵସାଇଁ ।
--------------------*---------------------
@ଭକ୍ତ କବି ମଧୁସୂଦନ ରାଓ
No comments:
Post a Comment