ଆସ ବ୍ରହ୍ମବାଣୀ ରାଣୀ ଏ ଉତ୍କଳ ଭୂବନେ,
ଧୋଇ ପ୍ରାଣ ରାଜ ଦେବି ପ୍ରାଣବେଦୀ ଆସନେ ।
ମୋହେ ଅନ୍ଧ ଉତ୍କଳ-ଚିତ୍ତ ଅକ୍ଷମ ତବ ଦର୍ଶନେ,
ମାର୍ଜିତ କର ଧ୍ଯାନ ନେତ୍ର ମନ୍ତ୍ରପୂତ ଅଞ୍ଜନେ ।
ଦେଖାଅ ଜନନୀ ଉତ୍ସବମୟୀ ତୁମ୍ଭ ପ୍ରେମ ଆନନେ,
ସେ ପ୍ରେମେ ଲାଗୁ ମା ମହାମହୋତ୍ସବ ଉତ୍କଳର ପ୍ରାଙ୍ଗଣେ ।
ଜାଗରଣୀ ବୀଣା ବାଜି ଉଠୁ ତୋର ଉତ୍କଳ କୁଞ୍ଜ କାନନେ,
ଜଗାଇ କୋବିଦ ଋଷି କବିପ୍ରାଣ ଦିବ୍ୟଗାଥା ପ୍ରେରଣେ ।
ପୂରାଅ ଆଶା ସ୍ଫୁରାଅ ଭାଷା ନବପ୍ରାଣ ସ୍ଫନ୍ଦନେ,
କର ମା ଦୀକ୍ଷିତ ନରନାରୀବୃନ୍ଦେ ସତ୍ୟମନ୍ତ୍ର ସାଧନେ ।
@ଭକ୍ତ କବି ମଧୁସୂଦନ ରାଓ
No comments:
Post a Comment