ଭଗବତୀ ଭାରତୀ ! ତବ ଚରଣ ତଳେ
ବିକଶିତ ମାନସ-କମଳ ଦଳେ
ମଧୁମୟ ଉତ୍ସବ-ଦୀପ ଜଳେ
ଜୟ ଜୟ ଭାରତୀ ଦେବୀ !
ଋଷିଗଣ ସୂରିଗଣ କବିଗଣ ପ୍ରାଣସମାଜେ
ଜନନୀ ବାଣୀ ! ତବ ଆସନ ରାଜେ,
ବିଶ୍ଵମୋହିନୀ ତୁମ ବୀଣା ବାଜେ,
ଜୟ ଜୟ ଭାରତୀ ଦେବୀ !
ଶ୍ରୁତି ଇତିହାସ ନାଟକ କାବ୍ୟକଳା
ଦର୍ଶନ ବିଜ୍ଞାନ ତବ କୀରତି ଅମଳା,
ଗୌରବେ ପୁଣ୍ୟ ସୌରରେ ସଦା ବିମଳା,
ଜୟ ଜୟ ଭାରତୀ ଦେବୀ !
ଭାରତ ଅନ୍ତର ଦୀପିତ କର ତବ କିରଣେ,
ଅମୃତ ସମ୍ପଦ ତବ ବର ଚରଣେ,
ନିଅ ଭାରତେ ତବ ଧ୍ରୁବ ସତ୍ୟ ଗଗନେ
ଜୟ ଜୟ ଭାରତୀ ଦେବୀ !
@ଭକ୍ତ କବି ମଧୁସୂଦନ ରାଓ
No comments:
Post a Comment