ପିମ୍ପୁଡ଼ିଙ୍କ ଦିନେ ବସିଲା ସଭା ।
ବିଚାରିଲେ ଆଖୁ ଚାଷ କରିବା ।
ଯତନେ କିଆରି ତିଆରି କଲେ ।
ବାଛି ବାଛି ଚାରା ଲଗାଇଦେଲେ ।
କିଆରିରେ ଦେଲେ ବାଡ଼ ଘେରାଇ ।
ପାତି ମାଙ୍କଡ଼କୁ ଦେଲେ ଜଗାଇ ।
ବଢିଗଲା ଆଖୁ ହେଲା ପାକଳ ।
ହାତୀର ପାଟିରୁ ଗଡ଼ିଲା ଲାଳ ।
ଆଖୁ କିଆରିରେ ପଶିଲା ହାତୀ ।
ଚମ୍ପା ଗଛଡାଳୁ ଡାକିଲା ପାତି ।
ଶୁଣିଲେ ପିମ୍ପୁଡ଼ି ଆସିଲେ ଧାଇଁ ।
ହାତୀ ପିମ୍ପୁଡ଼ି ଙ୍କ ହେଲା ଲଢେଇ ।
ପିମ୍ପୁଡ଼ି କାମୁଡ଼ା ସହି ନପାରି ।
ହାତୀ ପଳାଇଲା ଜୀବନଧରି ।
କିଆରିରେ ହାତୀ ରହିଲା ନାହିଁ ।
ଖୁସିରେ ପିମ୍ପୁଡ଼ି ଉଠିଲେ ଗାଇ ।
ହାତୀ ଖାଇଯିବ ଆମ ସମ୍ପତ୍ତି ।
ଛାଡ଼ିଦେବୁ ଆମେ ପିମ୍ପୁଡ଼ି ଜାତି ।
(ଓଡ଼ିଆ ଲୋକଗୀତ )
No comments:
Post a Comment