ଓଡ଼ିଶାରେ କୁମାର ପୂର୍ଣ୍ଣିମା ଠାରୁ କାର୍ତ୍ତିକ ପୂର୍ଣ୍ଣିମା ଯାଏଁ
ଆକାଶଦୀପ ପ୍ରତିଷ୍ଠା କରାଯାଇଥାଏ ।
ବୁଦ୍ଧିଜୀବୀ ଗଣଙ୍କ ମଧ୍ୟରେ
ଆକାଶ ଦୀପକୁ ନେଇ ଭିନ୍ନ ଭିନ୍ନ ମତ ପ୍ରଚଳିତ ।
★ଧର୍ମମତ★
କାର୍ତ୍ତିକ ମାସ ବେଳକୁ ପିତୃପକ୍ଷ ଆରମ୍ଭ ହୋଇଯାଇଥାଏ ।
ପ୍ରେତପୁରୁଷ ତଥା ପିତୃଗଣଙ୍କୁ ପଥ ପ୍ରଦର୍ଶନ ଏବଂ ସେମାନଙ୍କ ଅନ୍ଧକାରାଚ୍ଛନ୍ନ ଦୁର୍ଗମ ପଥକୁ ଆଲୋକିତ କରିବା ସକାଶେ ଉଚ୍ଚ ସ୍ଥାନରେ ଏହି ପ୍ରଦୀପ ପ୍ରଜ୍ଜଳନ ବିଧି ପ୍ରଚଳିତ ।
ତେଣୁ ପ୍ରାୟତଃ ପ୍ରତ୍ୟେକ ଗ୍ରାମରେ ଏକ ଉଚ୍ଚ ବାଉଁଶ ଖୁଣ୍ଟଉପରେ ପ୍ରତି ସନ୍ଧ୍ୟାରେ ଆକାଶଦୀପ ରଖାଯାଉଥାଏ ।
★ଐତିହାସିକ ମତ★
କେତେକ ଐତିହାସିକଙ୍କ ମତରେ
ଆଗେ ଓଡ଼ିଶାରେ
କୁମାର ପୂର୍ଣିମା ଠାରୁ କାର୍ତ୍ତିକ ପୁର୍ଣିମା ରାତି ପର୍ଯ୍ୟନ୍ତ ଆକାଶ ପ୍ରଦୀପ ଜଳାଯାଉଥିଲା ।
ଏବଂ ଏହା ଜଳାଯାଉଥିଲା ଦ୍ରବ୍ୟ ସଂଗ୍ରହ ତଥା ଦେବତା ଆବାହନ ଉଦ୍ଦେଶ୍ୟାର୍ଥେ.....
କୁହାଯାଏ ପୂର୍ବେ ଆମ ଅଞ୍ଚଳରେ
ଦ୍ରବ୍ୟ ସଂଗ୍ରହ ପରିମାଣ ଅନୁଯାୟୀ
ଆକାଶ ଦୀପ କ୍ରମଶଃ ଉପରକୁ ଉପରକୁ ଉଠାଯାଉଥିଲା ।
ସାଧବ ମାନେ ମାଝୀ (ବୋଇତ ପରିଚାଳକ) ମାନଙ୍କୁ ଚଉଠ ସଂଗ୍ରହ ପାଇଁ ସୁଯୋଗ ଦେଉଥିଲେ ।
ବୋଇତ ମାଝୀ ମାନଙ୍କ ଘର ଚଉରାମୂଳରେ ମଧ୍ୟ ଆକାଶ ଦୀପ ଜଳୁଥିଲା ।
ଏହି ଆକାଶଦୀପ ସଂସ୍ଥାପନର ମୂଳ ଉଦ୍ଦେଶ୍ୟ ଥିଲା -ଦ୍ରବ୍ୟ ସଂଗ୍ରହ ଓ ଦେବତା ଆବାହନ କରିବା......
ଯେଉଁମାନଙ୍କର ସଂଗ୍ରହ ସମ୍ପୂର୍ଣ ହୋଇଯାଉଥିଲା ସେମାନେ ମଧ୍ୟ ସବୁ ସଂଧ୍ୟରେ ପୂର୍ଣରୂପରେ ପ୍ରଦୀପ ଆକାଶକୁ ଉଠାଉଥିଲେ ଓ ସେମାନଙ୍କ ଉଦ୍ଦେଶ୍ୟ ମଧ୍ୟ ଦ୍ରବ୍ୟ ସଂଗ୍ରହ ଓ ଦେବତା ଆବାହନ ରହୁଥିଲା ଏହି ଦୀପ ଦାନ କ୍ରମେ ଧର୍ମୀୟ ପରମ୍ପରା ରେ ପରିଣତ ହୋଇଛି ।
★ବୈଜ୍ଞାନିକ କାରଣ★
ଓଡ଼ିଶା ହେଉଛି ଏକ କୃଷିଭିତ୍ତିକ ଅଞ୍ଚଳ ।
ଏଠାରେ ସାଧାରଣତଃ କାର୍ତ୍ତିକ ମାସରେ
ପୋକଜୋକଙ୍କ ସଂଖ୍ୟାରେ ମାତ୍ରାଧିକ ବୃଦ୍ଧି ହୋଇଥାଏ ।
ଆମ ପୂର୍ବଜ ଏ ସମସ୍ୟାର ସମାଧାନ ପାଇଁ
ମାସଯାକ ଦୀପାବଳି ପାଳନ କଲେ
ଏବଂ ସାମାଜିକ ନିୟମ ପ୍ରଣୟନ ହେଲା
ଯେ କାର୍ତ୍ତିକ ମାସ ସାରା ଚଉରା ମୂଳରେ ତଥା ଅନ୍ୟ ଧାର୍ମିକ ପ୍ରତିଷ୍ଠାନରେ ଦୀପ ପ୍ରଜ୍ଵଳନ
ତଥା ଆକାଶଦୀପ ସଂସ୍ଥାପନ ।
ଆକାଶଦୀପ ପ୍ରତିଷ୍ଠା ଓଡ଼ିଶାର ନିଜସ୍ବ
ପରମ୍ପରା
ଭାରତର ଅନ୍ୟତମ ନିଆରା
ସଂସ୍କୃତିର ଏହା ପରିଚୟ ପ୍ରଦାନ କରେ ।
No comments:
Post a Comment