ୟୁରୋପର ଗୋଟାଏ ଅଞ୍ଚଳରେ କ୍ରିକେଟ ଛଡା଼ ସବୁପ୍ରକାରର ମନୋରଞ୍ଜନଧର୍ମୀ କାର୍ଯ୍ୟକଳାପ ପ୍ରତି ନିଷେଧାଜ୍ଞା ଲାଗିଯାଇଥାଏ ।
ତେଣୁ ଲୋକେ ଆଉ କିଛି ନପାଇ ଶେଷକୁ କ୍ରିକେଟ ଖେଳିବାକୁ ଲାଗିଲେ...
ଧୀରେ ଧୀରେ କ୍ରିକେଟ ଖେଳଟା ସମାଜର ଗୋଟାଏ ଅଙ୍ଗ ହୋଇଗଲା ଓ ସ୍ଥାନୀୟ ସଂସ୍କୃତିର ଵିଭିନ୍ନ ପର୍ଵରେ ମଧ୍ଯ ତାକୁ ସ୍ଥାନ ମିଳିଗଲା.....
ଏମିତିରେ ଜଣାନାହିଁ କେତେ ଯେ ଵର୍ଷ ବିତିଯାଇଛି...
ଲୋକମାନେ କ୍ରିକେଟ ଖେଳରେ ଏତେ ଆନନ୍ଦ ଲାଭ କରିଛନ୍ତି ଯେ ଅନ୍ୟ ସମସ୍ତ କଥା ସଂପୂର୍ଣ୍ଣ ପାଶୋରି ଯାଇଛନ୍ତି...
ଏହାର ବହୁ ଵର୍ଷ ପରେ ସେ ଅଞ୍ଚଳରେ ଶାସନତନ୍ତ୍ର ବଦଳିଲା ।
ନଵ ଶାସକ କଳା-ସଂଗୀତ-ସଂସ୍କୃତିପ୍ରେମୀ ଏଣୁ
ସମସ୍ତ ପ୍ରକାରର ମନୋରଞ୍ଜନଧର୍ମୀ କାର୍ଯ୍ୟକଳାପ ଉପରୁ କଟକଣା ଉଠାଇଦେଲେ । ସାରା ଦେଶରେ ଏ ଵିଷୟରେ ପ୍ରଚାର ପ୍ରସାର କରାଗଲେ ବି ଲୋକେ ସେଥିରେ କୌଣସି ପ୍ରକାରର ଉତ୍ସାହ ନଦେଖେଇ କେବଳ କ୍ରିକେଟ ଖେଳରେ ମନୋନିଵେଶ କରିଲେ...
ସରକାରୀ କଳ ପ୍ରଚାର କରି କରି ନୟାନ୍ତ ହେଲାରୁ ଶେଷକୁ ଏକଥା ମୁଖ୍ୟ ଶାସକଙ୍କ ପାଖକୁ ଗଲା ।ମୁଖ୍ୟ ଶାସକ ସବୁ ଜାଣିବା ପରେ କ୍ରିକେଟ ଉପରେ କଟକଣା ଲାଗୁକରିବାକୁ ଆଦେଶ ଦେଲେ । ସରକାରୀ ଆଇନ ବଳରେ କ୍ରିକେଟ ଉପରେ ନିଷେଧାଦେଶ ଲାଗିଗଲା । କିନ୍ତୁ ସବୁଥିରୁ ବଞ୍ଚିତ ରହି ମଧ୍ଯ ଯେଉଁ ଜନତା କେବେ ଵିଦ୍ରୋହ କରିନଥିଲା ଏଇ ଗୋଟାଏ କଥା ଯୋଗୁଁ ଅସ୍ତ୍ର ଉଠେଇନେଲା ...
ଦେଶର ଵିଭିନ୍ନ ସ୍ଥାନରେ ମେଳି ହେଲା,ସରକାରୀ ଲୋକ ହଣାହେଲେ
ଶାସନତନ୍ତ୍ର ଓ ଆଇନ ବଦଳିଲାପରେ
ଲୋକେ ପୁଣି କ୍ରିକେଟ ଖେଳିବାକୁ ଲାଗିଲେ ....
@ଇତାଲୋ କାଲ୍ଵିନୋଙ୍କ ଏକ କାହାଣୀର ଅନୁକରଣରେ
No comments:
Post a Comment