1920 ଡିସେମ୍ବର ମାସରେ ଚକ୍ରଧରପୁର ଠାରେ ଉତ୍କଳ ସମ୍ମିଳନୀର ତ୍ରୟୋଦଶ ଅଧିବେଶନ ଅନୁଷ୍ଠିତ ହୋଇଥିଲା । ଏଥିରେ କେରାର ଠାକୁର ଉଦିତ ନାରାୟଣ ସିଂହଦେଓ ଅଭ୍ୟର୍ଥନା ସମିତିର ସମ୍ପାଦକ ଥିଲେ । ଏହି ସଭାରେ ଉତ୍କଳମଣି ଗୋପବନ୍ଧୁ ଦାସ, ବ୍ରଜସୁନ୍ଦର ଦାସ , ଗୋଦାବରୀଶ ମିଶ୍ର, ଜଗବନ୍ଧୁ ସିଂହ, ନିଳକଣ୍ଠ ଦାସ , ବିଶ୍ବନାଥ କର , ପ୍ରଚାରକ ଅନନ୍ତ ମିଶ୍ର ପ୍ରମୁଖଙ୍କ ସହିତ ସିଂହଭୂମିର କାଶିନାଥ ମହାପାତ୍ର , ପଣ୍ଡିତ କୃଷ୍ଣଚନ୍ଦ୍ର ଆଚାର୍ଯ୍ୟ ସହିତ ସିଂହଭୂମିର ଅନେକ ମାନ୍ୟଗଣ୍ୟ ବ୍ୟକ୍ତିଗଣ ଯୋଗ ଦେଇ ଥିଲେ । ପ୍ରଖ୍ୟାତ ଐତିହାସିକ ଜଗବନ୍ଧୁ ସିଂହ ଏହି ସମ୍ମିଳନୀରେ ସଭାପତି ହୋଇଥିଲେ ।
ଏହି ଅବସରରେ ସିଂହଭୂମିର ଘରେ ଘରେ ପିଲାମାନେ ଏହି ନିମ୍ନୋକ୍ତ ଧାଡିଗୁଡିକୁ ଅହରହ ଗାଉଥିଲେ --
"ଓଡ଼ିଆ ଆମ୍ଭର ମାତୃଭାଷା, ଓଡ଼ିଆ ଆମ୍ଭର ପ୍ରାଣ,
ଓଡିଶା ଦେଶରେ ଜନମ ଆମର, ଓଡ଼ିଆର କରୁଁ ଟାଣ,
ଆସ ଆସ ଭାଇ ମନପ୍ରାଣ ଦେଇ, ରଖିବା ଓଡ଼ିଆ ମାନ,
କହିବା ଓଡ଼ିଆ ପଢିବା ଓଡ଼ିଆ,
ଗାଇବା ଓଡ଼ିଆ ଗାନ"
ଆମର ଜାତୀୟତା ଓ ସଂସ୍କୃତି ରକ୍ଷା କରିବାକୁ ହେଲେ ମନପ୍ରାଣ ଦେଇ ପ୍ରତ୍ୟହ ମାତୃଭାଷାର କିଛି କିଛି ସେବା କରିବା ଦରକାର --
"ମାତୃଭାଷା ମାତୃଭୂମି ଉଭୟ ଜନନୀ,
ସେବି ତାଙ୍କୁ ନିରନ୍ତର ଦିବସ ରଜନୀ,
ମାନବ ଜୀବନ ହେଉ ସଫଳ ଆମର,
ଏ ଭିକ୍ଷା ଦିଅନ୍ତୁ ଆମ୍ଭେ ପ୍ରଭୁ ମହେଶ୍ବର"।
ପ୍ରବୋଧ ସାହୁ ଙ୍କ କଲମରୁ
No comments:
Post a Comment