ମଣ୍ଡପ ନକହି ଆଜିକାଲି ଲୋକେ ପେଣ୍ଡାଲ୍ ଓ ପଣ୍ଡାଲ୍ କହିଲେଣି.......
ଇଂରାଜୀ Wiktionary ରେ ଯୋଡା଼ହୋଇଛି
ଯେ ଏହି ଇଂରାଜୀ ଶବ୍ଦଟିର ମୂଳ ହେଉଛି ଏକ ତାମିଳ ଶବ୍ଦ பந்தல(Pantala―ପଣ୍ତାଳ/ପନ୍ତାଳ).....
ଓଡ଼ିଆ ପୂର୍ଣ୍ଣଚନ୍ଦ୍ର ଭାଷାକୋଷରେ ପନ୍ତାଳ ଶବ୍ଦ ତ ନାହିଁ କିନ୍ତୁ ସେହି ଶବ୍ଦ ସହ ମିଶୁଥିବା ଏବଂ ଵ୍ୟାକରଣ ର ପରିବୃତି ନିୟମ ଅନୁସାରେ ପନ୍ତାଳରେ ପରିଣତ ହୋଇପାରିଲା ଭଳିଆ ଦେଶଜ ଶବ୍ଦଟେ ଅଛି ତାହା ହେଉଛି
ପନ୍ତାଡ଼(ର).......
ଏହି ଓଡ଼ିଆ ଦେଶଜ ଶବ୍ଦର କେତୋଟି ମୁଖ୍ୟ ମୁଖ୍ୟ ଅର୍ଥ ଏଠାରେ ଉଲ୍ଲେଖଯୋଗ୍ୟ
୧―ପ୍ରାନ୍ତ(end)
୨―ପ୍ରାନ୍ତର(ଦୀର୍ଘ ପ୍ରଶସ୍ତ ପଡି଼ଆ)
୩―ବୃକ୍ଷାଦିଶୂନ୍ୟ ମରୁଭୂମି
୪―ପୋଖରୀ ବନ୍ଧ ଓ ପାଣିଧାର ମଧ୍ୟଵର୍ତ୍ତୀ ସ୍ଥାନ;ବଗଚରା
୫―ଦୁଇଗ୍ରାମ ମଧ୍ୟସ୍ଥ ବୃକ୍ଷହୀନ ପଡି଼ଆ;ଗହୀର
୬―ନଈ ଆଦିର କୂଳ
ଓଡ଼ିଆ ଭାଷାର ପନ୍ତାଡ଼ ଶବ୍ଦଟି ଓଡ଼ିଶାରେ କେଉଁଠି କେଉଁଠି ପନ୍ତାର ହୋଇ ଚଳୁଅଛି । ଏଵଂ ଓଡ଼ିଆ ଭାଷାର ଏମିତି ଅନେକ ଶବ୍ଦ ରହିଛି ଯହିଁରେ ର,ଳ ଓ ଡ଼ ଆଦି ଵର୍ଣ୍ଣ ପରିବୃତି ଯୋଗୁଁ ସେଗୁଡ଼ିକର ଦୁଇ ଵା ତତୋଧିକ ରୂପ ଚଳୁଅଛି ।
ଦେଵୀ ମାତୃକାଙ୍କର ମଣ୍ଡପ ପୂଜାର ଆରମ୍ଭ ଓଡ଼ିଶାରୁ ହୋଇ ବଙ୍ଗ ଦେଶକୁ ଯାଇ ଚଳିଥିବା ନିକଟ ଅତୀତରେ ଏକ ଓଡ଼ିଆ ପୁସ୍ତକରେ ପଢିଥିଲି(ଉକ୍ତ ବହିଟି ଆପଣ ଓଡ଼ିଆ ବିଭବ ଜାଲସ୍ଥଳରୁ ପାଇପାରିବେ) ! ଦକ୍ଷିଣ ଭାରତରେ ମଧ୍ଯ ମଣ୍ଡପ କରି ଵିଵାହ ଆଦିର ଆୟୋଜନ କରାଯିବାର ସଂସ୍କୃତି ବହୁ ପ୍ରାଚୀନ କାଳରୁ ରହିଆସିଛି । ଦାକ୍ଷିଣାତ୍ୟ ଵିଶେଷତଃ ତାମିଳନାଡୁ଼ରେ ଵିଵାହ ଆଦି ଆୟୋଜନ ଏହିଭଳି ପନ୍ତାଡ଼ ଵା ପନ୍ତାର ସ୍ଥାନରେ ଆଜି ବି ଊଣା ଅଧିକେ ହେଉଅଛି ।
ତେଣୁ ବହୁତ ସମ୍ଭବ ତାମିଳର ପନ୍ତାଳ,
ଓଡ଼ିଆ ଭାଷାର ପନ୍ତାଡ଼ ତଥା ପନ୍ତାର,ସଂସ୍କୃତର ପ୍ରାନ୍ତର ତଥା ଇଂରାଜୀ ଭାଷାର ପଣ୍ଡାଲ ଏ ସମସ୍ତ ଶବ୍ଦଯାକ ସଗୋତ୍ରୀୟ ହୋଇଥାଇପାରନ୍ତି ।
No comments:
Post a Comment