ଜଣେ ନେତାଙ୍କର ଦେଶରେ ବଡ଼ ହୀନସ୍ତା ହୋଇଗଲା । ଘୋଡ଼ା ଗାଡ଼ିରେ ଉଡୁ଼ଥିଲେ,ରାଜାପୁଅ ଭଳି ଚଳୁଥିଲେ ହେଲେ କିଛି ପ୍ରଗଳ୍ଭ ଲୋକଙ୍କ ଯୋଗୁଁ ତାଙ୍କ ସୌଭାଗ୍ୟରେ ଶନିଦଶା ଲାଗିଗଲା ।
ଏବେ ସେ ବାବୁ ବଡ଼ ଅଵସାଦରେ ବୁଡ଼ି ରହିଛନ୍ତି, ପୂର୍ଵ ଗୌରଵ ଏଵଂ ହୃତ ସମ୍ମାନକୁ ଝୁରି ହଉଛନ୍ତି....
ତେବେ କିଛି ଦିନ ତଳେ ସେ ଏତେ ମାତ୍ରାରେ ଧୌର୍ଯ୍ୟହରା ହୋଇଗଲେ ଯେ ଆତ୍ମହତ୍ୟା କରିବାର ସାହସିକ ନିର୍ଣ୍ଣୟ ନେଇଯାଇଥିଲେ ।
ସେଦିନ ଛୁରିଟାଏ ଧରି ଆପଣାର ଗଳାକୁ କାଟିଦେବାକୁ ଉଦ୍ୟତ ହେଉଥାନ୍ତି କି ତାଙ୍କ ପରମ ପ୍ରିୟ ଚେଲାଟା ଆସି ପହଞ୍ଚିଗଲା.....
ଚେଲା ଆଖିରେ ଯେମିତି ଅଭାବନୀୟ ଦୃଶ୍ୟଟି ପଡି଼ଗଲା ସେ ଆଶ୍ଚର୍ଯ୍ୟ ମିଶା କଣ୍ଠରେ କହିଲା ଏ......
କଣ୍ ଆଜ୍ଞା ?????
ନେତା କହିଲେ―ଦେଖୁନାହଁ କି ଗଳା କାଟୁଛି....
ଏ ଜୀଵନ ରଖି ଆଉ କି ଲାଭ ଯେ....
ସମ୍ମାନ ନାହିଁ କି ମାସେ ହେବ ଏ ଗଳାରେ ଗୋଟାଏ ହେଲେ ମାଳାଟେ ପଡି଼ନାହିଁ .....
ଚେଲା ଟା କଣ୍ ଭାବି କହିଲା
ରୁହନ୍ତୁ, ମୁଁ ଏଇଠୁଁ ଯାଇ ଫେରିଆସିଲେ ଏ ଵିଷୟରେ କଥା ହେବା ।
କିଛି ସମୟପରେ ଚେଲା ଟା ଆଉ କିଛି ଚେଲା ଓ ମାଳା ଗୁଡି଼ଏ ଧରି ଫେରିଲା । ସେତେବେଳେ ଯାଇ ନେତାଜଣକର ଜୀଵନ ରକ୍ଷା ହୋଇପାରିଥିଲା....
((ଵ୍ୟଙ୍ଗସମ୍ରାଟ ହରିଶଙ୍କର ପରସାଈଙ୍କର
उद्घाटन शिलान्यास रोग ଵ୍ୟଙ୍ଗ ରଚନାର ଏକ ଅଂଶର ଅନୁକରଣରେ ବର୍ଦ୍ଧିତ ଭାଵାନୁଵାଦ........))
No comments:
Post a Comment