କାଶିନାଥ ଓରଫ କାଶିଆ ମହାନ ସୁରାପ୍ରେମୀ କାଳୁବାବୁଙ୍କ ଗୃହ ପଵିତ୍ର କରି ଜନ୍ମ ଗ୍ରହଣ କରିଥିଲେ । କାଶିଆର ପିଲାଦିନ ଅଭାଵ ଅନାଟନରେ କଟିଗଲା କିନ୍ତୁ ଶିଘ୍ର ହିଁ ସେ ତା’ର କେତେକ ବନ୍ଧୁ ଙ୍କ ସଂସ୍ପର୍ଶରେ ଆସି ଧାରାପ୍ରଵାହ ଗାଳି ଵର୍ଷଣ ଏଵଂ ପକେଟମାରୀ ଆଦି ଵିଶିଷ୍ଟ କଳାରେ ପାରଙ୍ଗମ ହୋଇଗଲା ।
ଚାହୁଁ ଚାହୁଁ ଦିନ କେତୁଟାରେ ସମାଜ ତାକୁ ବାବୁ ଡାକିବା ଆରମ୍ଭ କରିଦେଲା । କାଶିଆ ଏବେ କାଶିନାଥ ବାବୁ ,କାଶୀଭାଇ ହେଇଯାଇଥିଲା ।
କାଶୀଭାଇ ରାମପୁରୀ ଛୁରୀ ଚାଳନା ର କଳାଟା ଦ ଗ୍ରେଟ୍ ଗଳାକଟା ମୁନ୍ନା ଚାକୁଆ ଠାରୁ ଶିଖିଥିଲେ । ଈର୍ଷାଵଶତଃ କିଛି ଲୋକ କାଶୀଭାଇଙ୍କ ନାମରେ ପୋଲିସ ରିପୋର୍ଟ କଲେ । ଫଳରେ କାଶୀଭାଇଙ୍କର ପୋଲିସ ମାନଙ୍କ ସହିତ ମଧ୍ଯ ମଧୁର ସମ୍ବନ୍ଧ ସ୍ଥାପିତ ହୋଇଗଲା ଆଉ ଈର୍ଷାଳୁ ଲୋକଙ୍କର ହେଲା କୁଟନୀତିକ ପରାଜୟ !
ଏହାଙ୍କର ଏଭଳି ଶତାଧିକ ସାହାସିକ କାର୍ଯ୍ୟ ରେ ପ୍ରଭାବିତ ହୋଇ ତାଙ୍କ ମହଲାର ଚଞ୍ଚଳାକୁମାରୀ ମୋହିତ ହୋଇଗଲା । ପ୍ରେମ ର ଶେଷ ପରିଣତି ହେଲା ଵିଵାହ । ଏହି ଅର୍ନ୍ତଜାତୀୟ ପ୍ରେମ ଵିଵାହକୁ ମଧ୍ଯ ଅନେକ ଵିରୋଧ ଅଵରୋଧର ସାମ୍ନା କରିବାକୁ ପଡି଼ଥିଲା କିନ୍ତୁ ମୃଦୁ-ମିଷ୍ଠଭାଷୀ କାଶୀଭାଇ ଏକ ଏକ ଵିରୋଧୀଙ୍କୁ ପ୍ରେମପୂର୍ଵକ ନିଛାଟିଆ ସ୍ଥାନକୁ ନେଇଯାଇ ଯୁକ୍ତିଯୁକ୍ତ ତର୍କ ଦ୍ଵାରା ସେମାନଙ୍କୁ ସନ୍ତୁଷ୍ଟ କରିଦେଇଥିଲେ । କିଛି ଵର୍ଷ ତଳେ ଏକ ପାର୍ଟିର ନେତାଙ୍କର ଦୃଷ୍ଟି ତାଙ୍କ ଉପରେ ପଡି଼ଲାରୁ ସେ ଆଉ କେବେ ଵି ପଛକୁ ଫେରି ଚାହିଁ ନାହାନ୍ତି ।
No comments:
Post a Comment