କଟକ ଜିଲ୍ଲାରେ କୁହନ୍ତି ଦେହ ହାତ #ସଲି_ଯାଉଛି ଵା #ସଲି_ଯିବା l
ସ୍ଥାନୀୟ ଲୋକଙ୍କୁ ପଚାରିଲେ ସେମାନେ ସଲି ଶବ୍ଦ ର ଅର୍ଥ କରି କୁହନ୍ତି–
#ସଲୁଛି ମାନେ
→ଝିମ୍ ଝିମ୍ ଲାଗୁଛି ,
→ଦୁର୍ବଳ ଲାଗୁଛିି ।
କିନ୍ତୁ ଯେତେବେଳେ ପୂର୍ଣ୍ଣଚନ୍ଦ୍ର ଭାଷାକୋଷରେ ଉକ୍ତ ଶବ୍ଦ ଖୋଜାଗଲା ‛ସଲି ଯିବା’ ବୋଲି କୌଣସି ଶବ୍ଦ ମିଳିଲାନି ।
ହଁ ସଲୀ/ସଳୀ ବୋଲି ଗୋଟାଏ ଶବ୍ଦ ମିଳିଲା
ଯହିଁ ର ଅର୍ଥ ଲେଖାଥିଲା
୧.ଶତ୍ରୁ
୨.ଦୂର୍ଘଟଣା
୩.ଵିଵାଦ
୪.ଅରିଷ୍ଟ
୫.ଶତୃତା
ତେବେ
ଆମର ଯେଉଁ ଶବ୍ଦ ମାନ ଦନ୍ତ୍ୟ ‛ସ' ରେ ମିଳେ ନାହିଁ ସେସବୁ ତାଲଵ୍ୟ ‛ଶ’ ଏଵଂ ମୂର୍ଦ୍ଧନ୍ୟ ‛ଷ’ ରେ ଖୋଜିବା ଵିଧେୟ ।
ତେଣୁ ଯେତେବେଳେ ତାଲଵ୍ୟ ‛ଶ' ରେ
‛ସଲି’ ଭଳିଆ ଶବ୍ଦ ଖୋଜାଗଲା
‛ସଲି’ ପରି ସମାର୍ଥକ ଶବ୍ଦ ‛ଶଲି’ ତ ମିଳିଲାନି
କିନ୍ତୁ ‛ଶଲ’(ସଂ-ଶଲ୍ୟ) ବୋଲି ଏକ ଶବ୍ଦ ମିଳିଲା ଏଵଂ ବହୁତ ସମ୍ଭବ ଏ ଶବ୍ଦ ସହିତ ଶଲି/ସଲି ଶବ୍ଦ ର ସମ୍ବନ୍ଧ ଥିବା ଅନୁମାନ କରାଯାଇପାରେ ।
■ଏହି ଦେଶଜ ‛ଶଲ’ ଶବ୍ଦ ର ଅର୍ଥ■
◆(କ)ଵିଶେଷ୍ୟ◆
୧.ଵାଧା ଵିଘ୍ନ
୨.ଅନିଷ୍ଟକାରୀ ଵ୍ୟକ୍ତି
୩.ଅମଙ୍ଗଳ
୪.କଣ୍ଟା
୫.ଶତ୍ରୁ
◆(ଖ)ଵିଶେଷଣ ◆
୧.ମନ୍ଦ
୨.ଅମଙ୍ଗଳ
୩.ଅନିଷ୍ଟକାରୀ
ତେବେ ଦେଶଜ ଶବ୍ଦ #ଶଲ ର ଆର୍ଥିକ ଵ୍ୟାଖ୍ୟା କରି ଦେଖାଯାଉ
ତହିଁ ରୁ ଶଲି/ସଲି ଆଞ୍ଚଳିକ ଶବ୍ଦ ର ଅର୍ଥ ପରି ଅର୍ଥ ସୃଷ୍ଟି ସମ୍ଭବ ହୋଇପାରୁଛି କି .....
ଆମ ଦେହକୁ ଝିମ୍ ଝିମ୍ ଲାଗିଲେ ଅନୁଭମ ହୁଏ
ଯେମିତି କିଏ ଅନେକ ଅତି ସରୁଆ ସରୁଆ #କଣ୍ଟା ଫୋଡୁଛି କି......
ପୁଣି ଦେହ ଝିମ୍ ଝିମ୍ ଲାଗିବା ଓ ଦୂର୍ଵଳ ଲାଗିବା
#ଜୀଵନ ପ୍ରତି #ଵାଧା #ଵିଘ୍ନ ସୃଷ୍ଟିକାରୀ...
ଏହା #ରୋଗ ର ଲକ୍ଷଣ ପ୍ରକାଶ କରେ ତେଣୁ #ଅମଙ୍ଗଳ ସୂଚକ
ଆଉ ରୋଗ ଟା ଶରୀରର,ସ୍ଵାସ୍ଥ୍ୟର ଓ। ଜୀଵନର ସବୁଠାରୁ ବଡ଼ #ଶତ୍ରୁ ନୁହେଁ କି ?
ପୁଣି ଶଲ ଶବ୍ଦ ର ଦେଶଜ ଵିଶେଷଣ ଅର୍ଥ
ମନ୍ଦ ,ଅମଙ୍ଗଳ ତଥା ଅନିଷ୍ଟକାରୀ
ଏ ସମସ୍ତ ଵିଶେଷଣ ଅର୍ଥ ରୋଗ ର ଗୁଣ କୁ ସୂଚାଉ ଅଛି ।
ରୋଗ ମନୁଷ୍ୟ ପାଇଁ ଅତ୍ୟନ୍ତ ମନ୍ଦ,ଅମଙ୍ଗଳ ସୂଚକ ପୁଣି ମୃତ୍ୟୁ ମୁଖରେ ପକେଇପାରୁଥିବା ଅନିଷ୍ଟକାରୀ ଶତ୍ରୁ ମଧ୍ୟରେ ଅନ୍ୟତମ ।
ଶଲ ପରି ସଳୀ ଵା ସଲୀ ମଧ୍ଯ ଶଲ୍ୟ ଶବ୍ଦ ସହିତ ସମ୍ବନ୍ଧିତ ଏବଂ ଏ ଉଭୟ ଶବ୍ଦ ମଧ୍ୟରେ କେତେକ ଅର୍ଥଗତ ସାମଞ୍ଜସ୍ୟତା ଵି ଅଛି
ତେଣୁ ଶଲ ଶବ୍ଦ ର ଆର୍ଥିକ ଵ୍ୟାଖ୍ୟା ରୁ ଅନୁଭୁତ ହେଉଛି ଯେ ସମ୍ଭଵତଃ ଏହି ସଲି ଵା ଶଲି ଶବ୍ଦ ର ପ୍ରତ୍ୟକ୍ଷ କିମ୍ବା ପରୋକ୍ଷ ସମ୍ଵନ୍ଧ ଦେଶଜ ଶଲ ଶବ୍ଦ ସହିତ ଥାଇପାରେ ।
★ତଥ୍ୟ ସହାୟତା★
ଡାକ୍ତର ଦେଵାଶିଷ ଜ୍ୟେଷ୍ଠୀ ମହାଭାଗ
#ପୂର୍ଣ୍ଣଚନ୍ଦ୍ର_ଭାଷାକୋଷ
No comments:
Post a Comment