ଫେସବୁକରେ ଇଂରାଜୀ ଅକ୍ଷର ଵଦଳରେ ଓଡ଼ିଆ ଅକ୍ଷରରେ ନାଆଁ ରଖିବା କଥା କହିଲେ
14 ଅଗଷ୍ଟ 2017 କଥା ମନେ ପଡି଼ଯାଉଛି ....
ସେତେବେଳେ ମୋ ମୋବାଇଲ ନଂ ପୁରୁଣା ଆଇଡି଼ ରେ ବଦଳେଇ ନଥାଏ । ସାତଵର୍ଷ ପୁରୁଣା ନଂ ସେତିକି ପୁରୁଣା ଏହି ଆଇଡି଼ ତେଣୁ ଅନେକ ଥର ନାଆଁ ବଦେଇ ସାରିଥାଏ ଆଉ ନାଆଁ ବଦଳୁ ନଥାଏ ।
ଵର୍ଷ ତଳେ ହିନ୍ଦୀ ରେ ଲେଖୁଥିଲି(୧୪ ଅଗଷ୍ଟ ୨୦୧୭ ଯାଏଁ)
ଦିନେ ଗୋଟାଏ ହିନ୍ଦୀଭାଷୀ ମାଇକିନିଆ ଟେ
ମୋତେ ଗୋଟାଏ ପୋଷ୍ଟରେ ମେନସନ୍ ମାନେ ଉଲ୍ଲେଖ କଲା । ଆଉ ସେଇଠି କହିଥିଲା
“ହଇରେ ଵାୟା ତୁ ସେ ଛାର ମ୍ଲେଛ ଭାଷାର ଅକ୍ଷରରେ ନିଜ ନାଆଁ ଟା ରଖିଛୁ
ତାହା ତୁରନ୍ତ ଦେଵନାଗରୀ ରେ କରିପକା ଧନ ! ରାଷ୍ଟ୍ରଭାଷା ରାଷ୍ଟ୍ରଵାଦ୍ ଜିନ୍ଦାଵାଦ୍ 😀😀😀”
ମୁଁ ନିଜର ଅସୁବିଧା କଥା କହିଲି ଆଉ ଏହା ମଧ୍ଯ କହିଲି ଯେ ଯଦି ନାମ ପରିଵର୍ତ୍ତନ ସମ୍ଭବ ହୁଅନ୍ତା ତେବେ ମୁଁ ତାହା ଆମ୍ଭ ଓଡ଼ିଆ ଲିପିରେ କରିସାରନ୍ତିଣି 😂😂😂
ତା ପରେ ତ
ତିରିଶ ଚାଳିଶ ଜଣକୁ ଡାକି ଆଣିଲା
ସେ ଲୋକେ କୋଉଠେ ଥିଲେ
କେଜାଣି
ଯେ ଯେଝାର ମାଲିକ,ସ୍ତ୍ରୀ, ପିଲାଛୁଆ ର ରାଗ ଯାକ ମୋ ଉପରେ ସୁଝେଇଲେ ।
କିଏ ଆଞ୍ଚଳିକଵାଦୀ କହିଲା ତ କିଏ ଭାଷାଵାଦୀ ତ ଆଉ କେହି କମ୍ୟୁନିଷ୍ଟ କହି ଛାଡି଼ଲା । ଏସବୁ କଥା ମାନ ଶୁଣିଲା ପରେ
ସେଇଦିନ
ଦୁଇଟି କାମ ଆରମ୍ଭ କରିଦେଲି ....
୧.ସେଇଦିନ ଠାରୁ ହିନ୍ଦୀ ରେ ଲେଖିବା ଛାଡି଼ଲି
୨.ଅତିଵାଦୀ ହିନ୍ଦୀଭାଷୀଙ୍କୁ ବହୁସଂଖ୍ୟାରେ ଅଣସାଙ୍ଗ କଲି ।
ସେଇ ଦିନ ଠାରୁ ଏଯାବତ ଓଡ଼ିଆ ଭାଷାରେ ଲେଖୁଅଛି
ଆଉ ସତ କହିବାକୁ ଗଲେ
ଯେଉଁ ଦିନ ଠାରୁ କେଵଳ ଓଡ଼ିଆ ଭାଷାରେ ଲେଖିବା ଆରମ୍ଭ କରିଛି ମୁଁ ନିଜ ଭାଷାକୁ ଆହୁରି ଭଲ ଭାବେ ଜାଣିବାକୁ ଲାଗିଛି ।
No comments:
Post a Comment