ଲୋକେ କି କହିବେ ?
ସଂସାର ଦୂର୍ଗମ ପଥେ
କଠୋର କର୍ତ୍ତବ୍ୟରଥେ
ଘେନି ସଙ୍ଗେ ସ୍ନେହ ପ୍ରୀତି,
ଚାଲିବାକୁ ଇଛା ନିତି,
(କିନ୍ତୁ)ଦୂର୍ବଳା ଅବଳା ଚିତ,
ଲାଜେ ଭୟେ ସଂକୁଚିତ;
ଲୋକେ କି କହିବେ ?
ଲୋକେ କି କହିବେ ?
କ୍ଷୁଦ୍ରାଦପି କ୍ଷୁଦ୍ରତମ---------
ହୃଦୟେ ନୀରବେ ମମ
କାର୍ଯ୍ୟ ର ବୁଦ୍ବୁଦ ଶତ
ଉଦି ପୁଣି ହୁଏ ଲୁପ୍ତ ।
କରି ନ ପାରଇ କାର୍ଯ୍ୟ,
ରୋଧେ ଭୀତି ଅନିର୍ବାର୍ଯ୍ୟ,
ଲୋକେ କି କହିବେ ?
ଲୋକେ କି କହିବେ ?
ସମ୍ମୁଖେ ନ ତଳେ ପଦ,
ଭୀତ କହେ “ଅପବାଦ
ସାଧିବ ତୋହର ବାଦ,
କରିବାକୁ ପ୍ରତିବାଦ
ନ ମିଳିବ ଭବେ କେହି,
ତୋର ପାଇଁ ତୁ ଦାୟୀ !
ଲୋକେ କି କହିବେ ?
ଲୋକେ କି କହିବେ ?
ତୁଚ୍ଛ ଏକ ଅଶ୍ରୁ ବିନ୍ଦୁ
ତୁଚ୍ଛ ଏକ ସ୍ନେହ ବିନ୍ଦୁ
ଦେବାକୁ ଶକତି ନାହିଁ !
ଭୀତି କହେ “କାହିଁ ପାଇଁ” ?
ତୋ ସଙ୍ଗେ କରିବି ଯୁଦ୍ଧ,
ତୋତେ ମୁଁ ନ କଲେ ରୁଦ୍ଧ
ଲୋକେ କି କହିବେ ?
@ଶ୍ରୀମତି ରେବା ରାୟ
No comments:
Post a Comment