“ପୁରୁଣା ଲୋକ ବହୁତ ଭଲ କିନ୍ତୁ ନୂଆଯୁଗର ଲୋକେ ବହୁତ ଖରାପ ହୋଇଗଲେଣି ।
ଯେବେ ମୁଁ ନୂଆ ପିିଢି ଥିଲି ସେବେ ପୁରୁଣା ପାଢି ମୋ ପାଇଁ ବହୁତ ଖରାପ ଥିଲା ।
ଏବେ ମୁଁ ଯେତେ ପୁରୁଣା ପିଢି ହୋଇ ଯାଉଛି ମୋ ପାଇଁ ନୂଆ ପିଢି ସେତିକି
ଖରାପ ହୋଇ ହୋଇ ଯାଉଛି ।”
“ବୟସ୍କ ଲୋକ ଯାକ ବଡ଼ ରକ୍ଷଣଶୀଳ । ଆଧୁନିକତା ସେମାନଙ୍କୁ ସ୍ପର୍ଶ କରିନାହିଁ ବୋଲି ତାଙ୍କୁ ଆମ ସମୟ ସହ ତାଳ ଦେଇ ଚାଲିବାଟା ସହଜରେ ହଜମ ହେଉନାହିଁ......”
“ଆଜିର ଯୁବକ ମାନେ ସମାଜକୁ ଆଧୁନିକତା ନାଆଁରେ ତଳତଳାନ୍ତ କରିଦେବାକୁ ବସିଲେଣି ।
ନିଜ ପରବ ଛାଡ଼ି ପର ନୂଆବର୍ଷ, ପର ପରବ ପାଳିଲେଣି । ମଦ ପିଇକି ଗଣେଶ, ସରସ୍ବତୀ, ଦୁର୍ଗା,ଲକ୍ଷ୍ମୀ ଙ୍କ ମେଢ ଆଗରେ ଇଂରାଜୀ ହିନ୍ଦୀ ଗୀତ ର ତାଳରେ ନାଚିଲେଣି.......”
“ପୁରୁଣା ସଂସ୍କୃତି ଓ ସଂସ୍କୃତି ଆଧାରରେ ଗଠିତ ଧର୍ମ ସବୁ ନିରର୍ଥକ,ଅବାନ୍ତର । ଆଧୁନିକ ଯୁଗରେ ସେସବୁ ଆଉ ଲୋଡା଼ ନାହିଁ ......”
“ବିଜ୍ଞାନ ଓ ବିଜ୍ଞାନୀ ଲୋକ ସଂସ୍କୃତି ଭକ୍ଷକ । ଏମାନେ ସଂସ୍କାର ନାଆଁରେ ଆମଠାରୁ ଆମ ଧର୍ମ ଓ ସଂସ୍କୃତି ଛଡେଇ ନେଇ ପର ସଂସ୍କୃତି ଓ ଧର୍ମ ଧରେଇ ଦେବେ......”
“ପୁରୁଣା ବହି ଓ ରଚନା ଶ୍ରଦ୍ଧା ଓ ଆଦରଣୀୟ
ନୂଆ ଲେଖାରେ ସେତେଟା ଆତ୍ମିୟତା,ମଧୁରତା ନଥାଏ । ପୁରୂଣା ଲେଖକ,କବି ଦେବତା ସମାନ ପୂଜନୀୟ ନୂଆ ଲେଖକ ଓ କବି ଗୁଡା ଖାଲି ପର ଭାଷାର ଲେଖା ଅନୁକରଣରେ
ପଦେ ଅଧେ ଲେଖିକି ପ୍ରଶିଦ୍ଧ ହୋଇଯାଇଛନ୍ତି......”
“ନୂଆ ଲେଖକ ଓ କବି ଆଧୁନିକ ଚିନ୍ତାଧାରା ର । ପୁରୁଣା କବି ,ଲେଖକ ସବୁ କାବ୍ୟ କବିତା ନାଆଁ ରେ ଅଭିଧାନମାନ ଲେଖିଯାଇଛନ୍ତି । ନୂଆ ରଚନାକାର ସାକ୍ଷାତ ସମାଜ ସଂସ୍କାରକ ତେଣୁ ସୁସଂସ୍କୃତ ଶବ୍ଦ ବ୍ୟବହାର କରି ବିଭିନ୍ନ ରଚନା ଲେଖନ୍ତି ଯେବେକି ପୁରୁଣା କବିଙ୍କ ପଦ୍ୟରେ ଗୁଡାଏ ଅଶ୍ଳୀଳ ଶବ୍ଦ ଥାଏ.......”
“ପୁରୁଣା ଚଳଚ୍ଚିତ୍ର ,ପୁରୁଣା ଗୀତରେ ସଂସ୍କୃତି ନୃତ୍ୟ କରୁଛି । ନୂଆ ଚଳଚ୍ଚିତ୍ର ଓ ଗୀତ
ସବୁ ଅପସଂସ୍କୃତି ପ୍ରଚାରର ମୂଳ ମାଧ୍ୟମ କହିଲେ ଅତ୍ୟୁକ୍ତି ହେବ ନାହିଁ.....”
“ନୂଆ ଗୀତ ଓ ଫିଲ୍ମ ଗୁଡିକ ଭବ୍ୟ ଓ ସାର୍ଥକ ତେଣୁ ସେସବୁ ଦେଖିଲେ, ଶୁଣିଲେ
ମଣିଷ ଶରୀର ମଧ୍ୟରେ ଗୋଟାଏ ଏନର୍ଜି ଖେଳିଯାଏ । କିନ୍ତୁ ପୁରୁଣା ଚଳଚ୍ଚିତ୍ର ଓ ଗୀତାଦି ଗୁଡିକ ଶୁଣିଲେ ଆଜିକାର ଅଧିକାଂଶ ଲୋକ ଲୋରୀ ଶୁଣି ଛୁଆକୁ ନିଦ ଲାଗିଲା ଭଳିଆ
ଢୁଳାଅନ୍ତି ଯାହା.....”
ବାକି ଲୋକ ବହୁତ ଗନ୍ଧିଆ । କେବଳ ଆମେ ମାନେ ହିଁ ଭଲ ଲୋକ । ଅନ୍ୟ ଲୋକେ ସମ୍ପୂର୍ଣ୍ଣ
ନଷ୍ଟ ଯାକ । ଆମେ ସବୁ 100% ପ୍ରତିଶତ ସୁନାମୁଣ୍ଡା । ବାକି ସବୁ ହୀନ । ଆମେ ଏକା ଶ୍ରେଷ୍ଠ । ଟୋ଼ୟଁ ଟୁ । ଟାୟଁ ଟୁ । ଟାଁୟ ଟୁ । ଟାଁୟ ଟୁ । ଟୁ-ଟୁ । ଦଶବର୍ଷ ପରେ । ଟାଁୟ-ଟାଁୟ ।
ଶହେ ବର୍ଷ ପରେ । ଟାଁୟ ଟୁ । ହଜାର ବର୍ଷ ପରେ । ଟାଁୟ ଟୁ । ଦଶ ହଜାର ବର୍ଷ ପରେ । ଟାଁୟ ଟୁ । ଅନ୍ୟ ମାନେ ଖରାପ । ଆମେ ଭଲ । ଟାଁୟ ଟୁ ଟାଁୟ ଟୁ ।
ଜନତା ବହୁତ ଭଲ । ଲୋକେ ସବୁ ଖାଣ୍ଟି ସୁନା ।ନେତା ଯାକ କୁଳାଙ୍ଗାର । ଜନତା ମାଟିରେ ଚାଲନ୍ତି । ନେତାଏ ଆକାଶୁଁ ପଡ଼ନ୍ତି । ଜଣାନାହିଁ କେବେ କିଛି ଭଲ ନେତାଙ୍କ ବରଷା ହେବ । ତେବେ କିଛି ଭଲ ନେତା ବି ଅଛନ୍ତି । କିନ୍ତୁ ସେମାନଙ୍କ ସଂଖ୍ୟା ମାତ୍ର ତିନି ଚାରିଜଣରୁ ଅଧିକ ନୁହେଁ । ଜଣେ ନେତା ମୋ ପାଇଁ
ବୀମା କରେଇ ଦେଇଥିଲା । ଆଉ ଜଣେ ଇନ୍ଦ୍ରାଵାସ କରିଦେଇଥିଲା । ଅନ୍ୟ ଏକ ନେତା ଅଶି ଟଙ୍କିଆ ବିପିଏଲ ବିଜୁଳି ଓ ଟଙ୍କିକିଆ ଚାଉଳର ବ୍ୟବସ୍ଥା କରାଇଦେଇଥିଲା ।
ଆଉ ଏକ ଦଳର ନେତା ଜଣେ ତ ଆମ ବନ୍ଧୁବାନ୍ଧବ ବୋଲି ବେଳେ ବେଳେ ଆମ ଘରକୁ ବୁଲି ଆସିଥାନ୍ତି ଯେ ପଡୋଶୀ ମାନଙ୍କ ଆଗରେ ମୋ ଛାତି କୁଣ୍ଢେମୋଟ ହୋଇଯାଏ ।
ସମ୍ପର୍କୀୟ ନେତାଙ୍କ ସୁଦୟାରୁ ରାସନ୍-ଗ୍ୟାସ ଘରେ ବସି ଆମ୍ଭକୁ ମିଳିଯାଇଥାଏ ।
କିଏ ଭଲ କିଏ ଖରାପ ତାହା ନିର୍ଣ୍ଣୟ କରିବାର ଅଧିକାର ଯା ପାଖରେ ଵି ଥାଉ ବେଳେ ବେଳେ ଆମେ ନିଜେ ହିଁ ସେ ଅଧିକାର ପ୍ରୟୋଗ କରି
ଭଲ ଖରାପ ବାଛିନେଇଥାନ୍ତି । ଦୁନିଆରେ ସାଧାରଣତଃ ଦେଖାଯାଇଥାଏ ଯେ ଯଦି କାହାର ସ୍ଵାର୍ଥରେ ଵାଧା ଉତ୍ପନ୍ନ ହୁଏ,ସେ ସ୍ଵାର୍ଥପୂର୍ତ୍ତିରେ ଵାଧକ ଯେ ଉକ୍ତ ଲୋକ ତାକୁ ଖରାପ ମନେ କରିଥାଏ । ସ୍ଵାର୍ଥ ପୁରଣ ହେଉଥିଲା ଯାଏଁ ଅନେକ ଲୋକ ଅଧିକାଂଶ ଲୋକଙ୍କ ପାଇଁ ଭଲ ଲୋକ ହୋଇ ରହିଥାନ୍ତି ।
