(ରାଗ -ଆଶାବରୀ)
“ସୁଜଳା,ସୁଫଳା,ଶସ୍ୟଶ୍ୟାମଳା ପ୍ରକୃତି”
ଲଲାଟେ,ସୂର୍ଯ୍ୟର ବିନ୍ଦୁ ସୁନ୍ଦର ଆକୃତି ।
ସକଳ ବିଜ୍ଞାନ, ଜ୍ଞାନ ,ସକଳ ସୌନ୍ଦର୍ଯ୍ୟ,
ବିଭବ, ସମ୍ପଦ ,ବିତ୍ତ,ସକଳ ଐଶ୍ୱର୍ଯ୍ୟ,
ସାମର୍ଥ୍ୟ,ଗୌରବ,ସର୍ବ ଅପରୂପ ଶିରୀ
ସୂର୍ଯ୍ୟ କିରଣରୁ ପ୍ରାପ୍ତ ହୁଏ ବସୁନ୍ଧରୀ ।
ପ୍ରକୃତି ର ଶିରୀ ସୂର୍ଯ୍ୟ କିରଣ ଯେମନ୍ତ
ତେସନେ ରମଣୀ ଶିରୀ ଅଟଇ ସତୀବ୍ତ ।
ବାଳକ ମାନଙ୍କ ଶିରୀ ଅଟେ ସରଳତା,
ମାନବଜାତି ର ବାକ୍ୟ ଶିରୀ ମଧୁରତା,
ପୁରୁଷ ଶ୍ରୀ ଅଟେ ବୀର୍ଯ୍ୟ,ଜାତି ଶିରୀ ଭାଷା,
ଯାହା ଘେନି ଜାତି କରେ ଉନ୍ନତି ପ୍ରତ୍ୟାଶା ।
ଭାଷା ହିଁ ଜୀବନୀ ଶକ୍ତି ଭାଷାମାନଙ୍କର,
ଯେ ଜାତିର ଭାଷା ହୀନ ସେ ଜାତି ବର୍ବର ।
No comments:
Post a Comment