●ଜୀଅନ୍ତାଗଧ ଓ ମୃତଗଧ●

ତେଲଲୁଣର ଅଭାଵପୂର୍ତ୍ତି ପାଇଁ ଦିନରାତି ଦୌଡୁଥିବା ସାଧାରଣ ଲୋକମାନେ 
ନୀଳକଣ୍ଠ ଶିବଶଙ୍କର ଠାରୁ
କୌଣସି ଗୁଣରେ କମ୍ ନୁହନ୍ତି ।
ସମାଜରେ ରହି ରହି ତା ସହ ଲଢି ଲଢି
ତହିଁ ରୁ ଉତ୍ପନ ହେଉଥିବା
ଅନେକ କ୍ରୋଧ ଅଭିମାନ ହିଂସା ଇର୍ଷା ଦ୍ଵେଷ ଆଦି ବିଷକୁ ପାନକରି କଣ୍ଠସ୍ଥ କରିଦେଇଥାନ୍ତି ।

ତେବେ ମାନବ ରୂପି ପ୍ରକୃତ ଶିବମାନେ
ଯେତେବେଳେ କୌଣସି ସ୍ଥାନରେ
ସେମିତି କିଛି ଦେଖନ୍ତି ଯାହା ତାଙ୍କୁ ଅଯୁକ୍ତିଯୁକ୍ତ ଓ ଅନୈତିକ
ଲାଗେ ସେମାନେ ନିଜ କଣ୍ଠରୁ ସଞ୍ଚିତ ବିଷ ଉଦ୍ଗାର କରିଦେଇଥାନ୍ତି ।

ଏ ଦେଶରେ ସଂଚିତ ବିଷ ବାନ୍ତି ହେତୁ
ସର୍ବୋତ୍କୃଷ୍ଟ ସ୍ଥାନ ହେଉଛି
ସୋସିଆଲ ମିଡ଼ିଆ ନହେଲେ ଚା-ଦୋକାନ
କିମ୍ବା ଖଟି । ତେବେ ମାନବ ରୂପି ଶିବ ମାନଙ୍କୁ
ସଦାସର୍ଵଦା ଜଣେ ଗାଳି ଖାଇଲା ଭଳିଆ
କୌଣସି ମାଧ୍ୟମ ଲୋଡା଼ ପଡି଼ଥାଏ ।
ଏ ଦେଶର 
ଅଧିକାଂଶ ଲୋକ ସରକାର ଙ୍କୁ ଗାଳି ଦେଇ
ବହୁତ ବଡ଼ କାମଟିଏ କରିଦେଇଛନ୍ତି ଭାବି
ବସିଯାଅନ୍ତି
ବାକି ଲୋକ ନିଜ ନିଜ ଭାର୍ଯ୍ୟା ଓ ପୁତ୍ର ପୁତ୍ରୀଙ୍କୁ
ଗାଳି ଦେଇ ଶାନ୍ତ ହୁଅନ୍ତି ।
ଅଧୀନସ୍ଥ କର୍ମଚାରୀ କୁ ଵଡ଼ବାଵୁ ଗାଳି ଦେଇ
ଶୀତଳ ହୁଅନ୍ତି ....
ଏଇଭଳି ଭାବରେ ପୁରୁଣା ଵିଷ ଓକାଳି ଦେଲା ପରେ ପୁଣି ନୂଆ ଵିଷ ସଞ୍ଜୟ କରାଯାଇଥାଏ ।
ଆମ୍ଭ
ରାଜ୍ୟ ରାଜଧାନୀର ଗୋଟିଏ ପୁରୁଣା ସଡ଼କରେ ସଦାସର୍ଵଦା ଵାହନ ଆତଯାତ କରୁଥିବା ହେତୁ ଭିଡ଼ ହେଉଥିଲା । ଫଳରେ ଏଥିଯୋଗୁଁ ପ୍ରାୟ ସଡ଼କ ଦୁର୍ଘଟଣା ମଧ୍ୟ ହେଉଥିଲା । ତେବେ ଯେବେବି କୌଣସି ଦୁର୍ଘଟଣା ହେଉଥିଲା  ଲୋକେ ତାଙ୍କ ନିତିଦିନିଆ ସ୍ବଭାଵ ଯୋଗୁଁ
ଆଗେ ପ୍ରଶାସନ କୁ ଏବଂ ନେତାମାନଙ୍କୁ ଦୋଷ ଦେଇ ଦେଉଥିଲେ ।
ଏ ବାବଦରେ
ଲୋକଙ୍କଠାରୁ ତାଙ୍କ ମତାମତ ପଚାରି ବସିଲେ  ଅଧିକାଂଶ ସେହି ଗୋଟିଏ କଥା କହୁଥିଲେ
ଯେ
ଶାସନଗାଦୀରେ ତ ସଵୁ ଗଧଙ୍କୁ ବସେଇ ଦେଇଛେ ଆଉ ଗଧ କି କର୍ମ କରିବେ ଯେ ତାଙ୍କଠୁଁ ଆଶା ରଖିବା !!!

ଦିନେ ସେ ସଡ଼କ ର ଠିକ ମଧ୍ୟ ଭାଗରେ
ଗୋଟିଏ ଗଧକୁ ଟ୍ରକ୍ ମାଡି଼ଗଲା ଯେ ତା’ର ଘଟଣାସ୍ଥଳରେ ହିଁ ମୃତ୍ୟୁ ହୋଇଗଲା ।
କିଛି ସମୟ ପାଇଁ ତ ସଡ଼କ ମଧ୍ୟଭାଗରେ
ଗଧକୁ ଦେଖିବାକୁ ଜନଗହଳି ହେଲା କିନ୍ତୁ
ପରେ ଟ୍ରାଫିକ ବ୍ୟବସ୍ଥା ଆପଣାଛାଏଁ ଵ୍ୟଵସ୍ଥିତ ହୋଇଗଲା ।

ଗଧର ପଡିରହିଥିବା ନିର୍ଜିଵ ଶରୀରର ଗୋଟିଏ ପାର୍ଶ୍ଵ ଦେଇ ଗାଡ଼ି ଆସୁଥିଲା ଅନ୍ୟ ପାର୍ଶ୍ଵରେ ଯାଉଥିଲା ।
ଲୋକ ମାନେ ଏଥର ମଧ୍ୟ ଗଧର ମୃତ୍ୟୁ ତଥା ଏଯାଵତ ତା’ର ମଢ ନ ଉଠିଥିବା ହେତୁ ପ୍ରଥମେ ସରକାର ଙ୍କୁ ଵେହେ ଶୋଧି ପକେଇଲେ
ଆଉ
କହିଲେ
“ଯେଉଁ ଵ୍ୟଵସ୍ଥା କିଛି ଜୀଵିତ ଗଧ କରିପାରିଲେନି ତାହା ଗୋଟିଏ ମୃତ ଗଧ କରିଦେଲା” ......