ବିରାଜିତ,ପ୍ରକାଶିତ ଯୁଗ ଯୁଗାନ୍ତର ।
ମହାନଦୀ, କାଠଯୋଡ଼ି ଛନ୍ତି ଦୁଇପାଶେ
ସ୍ନାନପାନେ ସୁସ୍ଥଦେହେ ରହିଛନ୍ତି ଲୋକ ।
ମର୍କତକେଶରୀ ଧନ୍ୟ ! କୌଶଳ ପ୍ରକାଶି
ବାନ୍ଧିଛି ପଥର ବନ୍ଧ କୀର୍ତ୍ତି ଅବିନାଶୀ ।
ନ ପାରନ୍ତି ନଗରୀକୁ ଅତିକ୍ରମ କରି ।
ମହାତ୍ମା ପୁରୁଷୋତ୍ତମ ପୂତମନା ଜ୍ଞାନୀ,
ଧନ ଆଶେ ,ବିଦ୍ୟାଭ୍ୟାସେ କୀର୍ତ୍ତି କାମନାରେ,
କେତେ ଦେଶୁଁ ରୁଣ୍ଡ ଲୋକ ଏ କଟକଠାରେ ।
ନଦୀକୂଳ ଅଟ୍ଟାଳିକା ବିଚିତ୍ର ଗଠନ ,
ସର୍ବ ରୂପ ବିଦ୍ୟା ଉପାର୍ଜନର ଏ ସ୍ଥଳ ,
ନାନା ଦେଶୁଁ ସମାଗତ ବିଦ୍ୟାର୍ଥୀ ସକଳ ।
ଧନ,ବିଦ୍ୟା ଉପାର୍ଜନେ ପ୍ରଶସ୍ଥ ଏ କ୍ଷେତ୍ର,
ସଜ୍ଜିତ ବିପଣିମାଳା ତୃପ୍ତ କରେ ନେତ୍ର ।
ପୁରାକାଳେ ଥିଲେ ଏଥି କେତେ ବିଦ୍ୟାବନ୍ତ,
କେତେ ଧନୀ, କେତେ ମାନୀ ସନ୍ୟାସୀ ମହନ୍ତ ।
କେତେ ରାଜା ମହାରାଜ ମଧ୍ଯବିତ୍ତ ଲୋକ ,
କେତେ ରାଜକର୍ମଚାରୀ,ଧର୍ମ ପ୍ରଚାରକ,
ଚାଲିଯାଇଛନ୍ତି ସର୍ବେ ତେଜି ଭବଲୀଳା,
ତଥାପି ରହିଛି ଭରି ଏହି ପାନ୍ଥଶାଳା ।
କେବଳ ତ ଯାଏ ରହି କୀର୍ତ୍ତି ଅପକୀର୍ତ୍ତି ।
ଦୁରାଚାରୀ ମରହଟ୍ଟା ଯାଇଛନ୍ତି କାହିଁ,
ଅଛି ବାରବାଟୀ କିଲ୍ଲା ସାକ୍ଷ ଦେବାପାଇଁ ।
ଏତିକି ବିଚିତ୍ର ମୁହିଁ ଦେଖେଁ ଜଗତରେ,
ନ ବିଚାରେ କେହି ନିଜ ପରିଣାମ ଥରେ ।
◆◆◆◆◆◆◆◆◆◆◆◆◆◆◆◆
●ବ୍ୟାସକବି ଫକୀରମୋହନ ସେନାପତି●
◆◆◆◆◆◆◆◆◆◆◆◆◆◆◆◆
No comments:
Post a Comment