ଘରେ ତରକାରୀ କରିବାକୁ ପରିବା କମ୍ ପଡିଲାରୁ ପଣ୍ଡିତିଆଣୀ କହିଲେ
“ହେଇଟି ଶୁଣୁଛ ! ବାଡ଼ିରେ ଆମର ବାଇଗଣ ଫଳିଛି ତହିଁରୁ କିଛି ତୋଳି ଆଣନ୍ତନି, ତରକାରୀ କରନ୍ତେ !”
ପଣ୍ଡିତ ସେଇଠୁ ଆପଣା ବାଡ଼ିରେ
ଫଳିଥିବା ଧଳା ବାଇଗଣକୁ ତୋଳି କରି ଘରକୁ ନେଲାବେଳେ ପଣ୍ଡିତଙ୍କର ଶାସ୍ତ୍ରଜ୍ଞ ପୁତ୍ର
ପଚାରିଲେ....
“ବାପା ଶାସ୍ତ୍ରରେ କୁହାଯାଇଛି...
‛ଅଲାବୁ,ଶ୍ବେତବାର୍ତ୍ତାକୀ’ !
ଶ୍ବେତବାର୍ତ୍ତାକୀ (ଧଳା ବାଇଗଣ) ଖାଇବା ଶାସ୍ତ୍ରରେ ନିଶିଦ୍ଧ କରାଯାଇଛି ତେବେ ଆପଣ ଏହାକୁ ତରକାରୀ ହେତୁ ନେଇଯାଉଛନ୍ତି ଯେ....?”
ପୁଅ କଥା ଶୁଣି ପଣ୍ଡିତେ କହିଲେ ...
ଠିକ୍ ଠିକ୍....
ପୋଥିବାଇଗଣ ଖାଇବା ସିନା ନିଶିଦ୍ଧ ହୋଇଛି ହେଲେ ଉକ୍ତ ନିଷେଧ ବଚନ ବାଡ଼ି ବାଇଗଣ ପ୍ରତି ପ୍ରଯୁଜ୍ୟ ନୁହେଁ.....
★ଶାସ୍ତ୍ର ବିଧି ଅନୁଯାୟୀ କାର୍ଯ୍ୟ ନକରି
ପରିସ୍ଥିତି କୁ ଦେଖି କାର୍ଯ୍ୟ କରାଯାଉଥିଲେ
ତାହାକୁ ବାଡି଼ ବାଇଗଣ ପୋଥି ବାଇଗଣ
ନ୍ୟାୟ କୁହାଯାଏ★
No comments:
Post a Comment