ଆମ୍ଭ କନ୍ତିଓ ପୁଟସାହି ଗ୍ରାମ ପଞ୍ଚାୟତରେ ଏଇମାତ୍ର 10 ରୁ 15 ବର୍ଷ ହେଲା ହନୁପଲ୍ଲ ସ୍ଥାୟୀ ବାସିନ୍ଦା ହୋଇଛନ୍ତି ।
ଆଗେ ଗାଁ ପାଖ ଜଙ୍ଗଲରେ ରହୁଥିଲେ କିନ୍ତୁ ତାଙ୍କ ବାସସ୍ଥାନ ଚାଲି ଗଲାରୁ ସେମାନେ ଗ୍ରାମାଞ୍ଚଳ ଆଡେ଼ ମୁହାଁଇଲେ ।
ମୁଁ ଆଗେ ଭାବୁଥିଲି ଆମ୍ଭ ଗ୍ରାମରେ ଦୁଇ ହନୁପଲ୍ଲ ଅଛନ୍ତି ଏବଂ ସେମାନେ ମଣିଷ ଭଳି ଜାତି ଧର୍ମ ସମ୍ରଦାୟ ନାମରେ ପରସ୍ପର ସହ ବାଡି଼ଆପିଟା ଲାଗନ୍ତି କିନ୍ତୁ ତାହା ଥିଲା ମୋର ମନର ଭ୍ରମ ।
ହନୁମାଙ୍କଡ ଦଳରେ ଗୋଟିଏ ଏକଛତ୍ରବାଦୀ ଦଳପତି ଥାଏ ।
ଓଡ଼ିଆରେ ସେ ଦଳପତି କୁ ଗେଧ, ଗୋଦା ବା କୋଦା କୁହାଯାଏ ।
ଦଳର ସମସ୍ତ ମର୍କଟୀଙ୍କ ଉପରେ ଗୋଦାର ଏକାଧିପତ୍ୟ ଥାଏ ।
ଦଳରେ ଯଦି କୌଣସି ପୁରୁଷ ହନୁ ଜନ୍ମ ହୁଏ ତାକୁ ସେ ଦଳପତି ଶିଶୁକାଳରେ ମାରିପକାଇ ନିଷ୍କଣ୍ଟକ ପ୍ରଭୂତ୍ବ ଭୋଗ କରେ ।
ଯେଉଁ ଶିଶୁ ହନୁମାଙ୍କଡ ଯାକ ଦଳପତିର ତଣ୍ଟିଚିପା ଠାରୁ ତ୍ରାହି ପାଇବା ପାଇଁ ପିଲାବେଳୁ ଦଳଛାଡି଼ ଚାଲି ଯାଆନ୍ତି ସେମାନେ
ଗୋଟିଏ ସ୍ବତନ୍ତ୍ର ଦଳ ଗଠନ କରନ୍ତି ।
ଏ ବାରଭାଇଆ ଗେଧ ମାନେ ବାଧ୍ୟତାମୂଳକ ବ୍ରହ୍ମଚର୍ଯ୍ୟ ଅବଲମ୍ବନ କରୁଥିବା ରୁ ସାଧାରଣତଃ ଭାରି ବଳୁଆ,ହୁରୁମା ଓ ଦୁଷ୍ଟ ହୁଅନ୍ତି ।
ଏମାନେ ନିଜ ପୁରୁଣା ଦଳର ଦଳପତି କୁ ପରାଜିତ କରିବାପାଇଁ ବାରମ୍ବାର ତା' ଉପରେ ଆକ୍ରମଣ କରିଥାନ୍ତି ।
No comments:
Post a Comment